Афіцыйны сайт Рэспублікі Беларусь
22 чэрвеня - Дзень усенароднай памяці ахвяр Вялікай Айчыннай вайны
Бізнес
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Бізнес | Бізнес-навіны

Бізнес-навіны

2 Сак 2020

"Беллегпрам" разлічвае адкрыць 7 мультыбрэндавых магазінаў у краіне да канца 2020 года


Фота з архiва

2 сакавіка, Мінск /Кар. БЕЛТА/. "Беллегпрам" плануе да канца 2020 года адкрыць у Беларусі сем мультыбрэндавых магазінаў. Аб гэтым заявіла старшыня канцэрна Таццяна Лугіна ў праграме "Тыдзень" на тэлеканале СТБ, перадае карэспандэнт БЕЛТА.

"Цяпер на базе канцэрна мы робім шоўрум, у памяшканні ідзе касметычны рамонт. Плюс рэалізуем праект па мультыбрэндавым магазіне. Так, мы, можа, ідзём не такімі вялікімі крокамі - усё ўпіраецца ў сродкі. Але мы рухаемся. Пастаўлена задача адкрыць сем магазінаў да канца года па краіне", - сказала Таццяна Лугіна.

Што датычыцца мінулага года, то заработная плата ў сярэднім па галіне склала Br670. Экспарт - амаль 94 працэнты да ўзроўню 2018 года. Паводле слоў старшыні "Беллегпрама", прасеў расійскі напрамак. "Пры гэтым у 2019 годзе ёсць дадатная дынаміка: плюс 0,6 працэнта і 0,5 працэнта адпаведна на рынку Еўрасаюза і краін далёкай дугі", - падкрэсліла Таццяна Лугіна.

Таксама кіраўнік канцэрна пракаменціравала пытанне рэгулявання работы магазінаў сэканд-хэнду. Яна падкрэсліла: канкурэнцыя павінна быць сумленнай. "З гэтым напрамкам не так проста разабрацца. Толькі ў 2019 годзе ў краіну завезлі тавару па катэгорыі сэканд-хэнд на $78 млн. Гэта, вядома, вялікая колькасць. Мы прапаноўвалі і будзем прапаноўваць нейкае рэгуляванне гэтага віду гандлю. Магчыма, калі не закрыць магазіны сэканд-хэнду, то, прынамсі, вынесці з абласных цэнтраў, вялікіх гарадоў, з ажыўленых вуліц. Мы за сумленную канкурэнцыю. Нашы прадпрыемствы вытрымліваюць усе патрабаванні тэхрэгламентаў, мы правяраемся на ўсе паказчыкі бяспекі адзення. Таму хочацца, каб на рынку ўсе аналагічна працавалі", - адзначыла Таццяна Лугіна.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі