Бізнес-навіны

БЕЛАЗ прадставіў новыя мадэлі сваіх флагманскіх кар'ерных самазвалаў

Фота "БЕЛАЗа"

4 снежня, Мінск /Кар. БЕЛТА/. На выпрабавальным палігоне Беларускага аўтамабільнага завода адбылася прэзентацыя 130-тоннага БЕЛАЗ-7513Т і 240-тоннага БЕЛАЗ-7531N з новым цягавым генератарам і электрарухавікамі пераменна-пераменнага току альтэрнатыўнага вытворцы, а таксама шафай кіравання ўласнай распрацоўкі, паведамілі БЕЛТА ў прэс-службе прадпрыемства.

БЕЛАЗ сабраў каля 30 тэхнічных спецыялістаў і топ-менеджараў з Расіі, іншых краін СНД і далёкага замежжа. Гасцям прадстаўлена работа флагманскіх кар'ерных самазвалаў, укамплектаваных новымі сілавымі ўстаноўкамі, у руху на гранічных ухілах з поўнай загрузкай і без грузу. З дапамогай устаноўленай на тэхніцы інтэлектуальнай сістэмы маніторынгу і прагнознай аналітыкі IMS уласнай распрацоўкі ў рэжыме рэальнага часу на экране можна было назіраць цягава-дынамічныя характарыстыкі прадстаўленых машын.

Як адзначылі ў прэс-службе холдынга, прадстаўленыя самазвалы з цягавым электрапрыводам пераменна-пераменнага току і палепшанымі цягава-дынамічнымі характарыстыкамі будуць асабліва запатрабаваны пры здабычы рудных карысных выкапняў, у тым ліку на зацяжных ухілах.

"Пытанні якасці і надзейнасці вырабленай БЕЛАЗам прадукцыі заўсёды для нас былі прыярытэтнымі, - заявіў генеральны дырэктар ААТ "БЕЛАЗ" - кіруючая кампанія холдынга "БЕЛАЗ-ХОЛДЫНГ" Сяргей Лесін. - Завяршаючы год якасці, аб'яўлены ў Беларусі, мы прадстаўляем дзве машыны ў нашых флагманскіх лінейках 130 т і 240 т. Пашырэнне мадэльнага рада дасць магчымасць нашым спажыўцам атрымліваць тэхніку ў тыя тэрміны, якія ім неабходны. Прапаноўваючы выбар альтэрнатыўных камплектуючых пад індывідуальныя задачы і магчымасці заказчыка, мы ствараем умовы для максімальнай эфектыўнай эксплуатацыі нашых кар'ерных самазвалаў".

Пасля дэманстрацыйных заездаў была арганізавана рабочая нарада з прадстаўнікамі кампаніі-вытворцы, на якой адбылося абмеркаванне актуальных пытанняў функцыянавання новага абсталявання, забеспячэння запаснымі часткамі і навучання сэрвіснага персаналу.

"БЕЛАЗ нязменна прытрымліваецца прынцыпу дыверсіфікацыі мадэльнага рада і паляпшэння якасці работы са спажыўцом, скарачаючы тэрміны вырабу прадукцыі, - падкрэслілі ў прэс-службе Беларускага аўтамабільнага завода. - Мы прапануем горназдабыўной галіне Расіі - нашаму стратэгічнаму партнёру - якасныя тэхнічныя рашэнні для здабычы ўсіх відаў карысных выкапняў, забяспечваючы максімальнае задавольванне запатрабаванняў нашых спажыўцоў".

версія для друку

зрабіць стартавай

дабавіць у выбранае