У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Бізнес
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Бізнес | Бізнес-навіны

Бізнес-навіны

3 Стд 2020

Беларускія НПЗ знізілі загрузку да мінімуму, ідзе падрыхтоўка кантрактаў на пастаўку нафты

Беларускія НПЗ знізілі загрузку да мінімуму, ідзе падрыхтоўка кантрактаў на пастаўку нафты
Фота з архіва

3 студзеня, Мінск /Кар. БЕЛТА/. Беларускія НПЗ (Мазырскі НПЗ і "Нафтан") знізілі загрузку да тэхналагічнага мінімуму, цяпер ідзе работа над заключэннем студзеньскіх кантрактаў на пастаўку нафты, паведамілі карэспандэнту БЕЛТА ў канцэрне "Белнафтахім".

"Для недапушчэння спынення і замарозкі вытворчых магутнасцей айчынных НПЗ мы вымушаны былі знізіць загрузку НПЗ да ўзроўню тэхналагічнага мінімуму", - заявілі ў "Белнафтахіме".

У канцэрне пацвердзілі, што пастаўкі нафты з Расіі спынены. "Цяпер ідзе актыўная работа над заключэннем студзеньскіх кантрактаў", - сказалі ў "Белнафтахіме". Там удакладнілі, што размова ідзе пра пастаўкі нафты з РФ і альтэрнатыўных крыніц.

Прэзідэнт Беларусі Аляксандр Лукашэнка 31 снежня правёў нараду з кіраўніцтвам нафтахімічнага комплексу на тэму паставак і перапрацоўкі нафты. Кіраўнік дзяржавы тады даручыў у бліжэйшыя гадзіны завяршыць перагаворы суб'ектаў гаспадарання Беларусі і Расіі і заключыць кантракты на пастаўку нафты ў краіну ў мэтах забеспячэння бесперабойнай работы двух нафтаперапрацоўчых заводаў. Таксама кіраўніком дзяржавы 31 снежня дадзена даручэнне забяспечыць ужо ў бліжэйшыя дні пастаўку нафты з альтэрнатыўных крыніц. Перш за ўсё размова ідзе пра пастаўкі чыгуначным транспартам з партоў на Балтыцы, а таксама аб задзейнічанні для альтэрнатыўных паставак нафтаправода "Дружба".

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс