Бізнес-навіны

Беларусь з'яўляецца адным з лідараў па пастаўках тавараў у рамках дзяржзакупак у ЕАЭС

Фота з архiва

30 снежня, Масква /Эдуард Півавар - БЕЛТА/. Беларусь - адзін з лідараў па пастаўках тавараў у рамках дзяржзакупак у Еўразійскім эканамічным саюзе. Аб гэтым гаворыцца ў штогадовым аналітычным аглядзе "Дзяржаўныя (муніцыпальныя) закупкі дзяржаў - членаў Еўразійскага эканамічнага саюза", паведамілі БЕЛТА ў прэс-службе Еўразійскай эканамічнай камісіі (ЕЭК).

У аглядзе адзначаецца, што ў 2024 годзе аб'ём дзяржзакупак у рамках ЕАЭС склаў $143,5 млрд, з якіх 73,9 працэнта - дзяржзакупкі тавараў (работ, паслуг) дзяржаў саюза, 26,1 працэнта - закупкі з трэціх краін. Праведзена 5,6 млн працэдур дзяржзакупак, з якіх амаль 70 працэнтаў - у электронным выглядзе, што сведчыць аб высокім узроўні лічбавізацыі гэтай сферы ў цэлым у ЕАЭС. Доля канкурэнтных працэдур склала больш як 50 працэнтаў ад усіх праведзеных працэдур і вырасла на 2,3 працэнта.

"У цэлым узаемныя пастаўкі тавараў (работ, паслуг) у рамках дзяржаўных закупак у ЕАЭС у 2024 годзе склалі $728,7 млн. Лідарамі ва ўзаемных пастаўках з'яўляюцца тавары (работы, паслугі) Расіі, на долю якіх прыпадае 46,5 працэнта ад агульнага аб'ёму трансгранічнага гандлю ў рамках дзяржзакупак, і Беларусі - 28,4 працэнта", - канстатавалі ў ЕЭК.

версія для друку

зрабіць стартавай

дабавіць у выбранае