30 лістапада, Мінск /Кар. БЕЛТА/. Беларусь з 1 снежня зніжае экспартныя пошліны на нафту і нафтапрадукты, вывозімыя за межы мытнай тэрыторыі Еўразійскага эканамічнага саюза. Адпаведнае рашэнне змешчана ў пастанове Савета Міністраў нумар 860 ад 29 лістапада 2018 года, паведамляе БЕЛТА са спасылкай на сайт урада.
Стаўка экспартнай пошліны на сырую нафту будзе зніжана з $152 да $135,1 за 1 т. Пошліна на прамагонны бензін знізіцца з $83,6 да $74,3 за 1 т, на таварныя бензіны - з $45,6 да $40,5 за 1 т.
Пошліна на лёгкія, сярэднія дыстыляты складзе $40,5 за 1 т (была $45,6). Такая ж пошліна ўстаноўлена адносна дызельнага паліва, бензону, талуолу, ксілолаў, змазачных і іншых масел.
Папярэдні раз стаўкі вывазных мытных пошлін адносна сырой нафты і асобных катэгорый тавараў, выпрацаваных з нафты, змяняліся 1 лістапада. Тады яны былі павышаны.-0-