Бізнес-навіны

Беларусь прадстаўлена на выстаўцы "Сучасны спорт. Інавацыі і перспектывы" ва Уфе

Фота НАК Беларусі

18 кастрычніка, Мінск /Кар. БЕЛТА/. Нацыянальны алімпійскі камітэт і Міністэрства спорту і турызму арганізавалі свой стэнд на міжнароднай выстаўцы "Сучасны спорт. Інавацыі і перспектывы" ва Уфе. Аб гэтым паведамілі БЕЛТА ў прэс-службе НАК.

На стэндзе прадстаўлены беларускія брэнды з лепшымі ўзорамі айчыннай прадукцыі, спартыўная інфраструктура і аб'екты краіны, а таксама навукова-тэхнічныя магчымасці і медыцынскія распрацоўкі Беларусі ў галіне спорту. Прэзідэнт НАК Віктар Лукашэнка дэталёва азнаёміўся з перадавымі тэхналогіямі ў спартыўнай сферы, прадстаўленымі на выстаўцы, якая з'яўляецца вітрынай вышэйшых дасягненняў расійскай спартыўнай індустрыі, а таксама месцам, дзе развіваюцца дзелавыя кантакты.

Гэтымі днямі ва Уфе беларуская дэлегацыя прымае ўдзел у міжнародным спартыўным форуме "Расія - спартыўная дзяржава", які прадоўжыцца да 19 кастрычніка.

версія для друку

зрабіць стартавай

дабавіць у выбранае