У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Бізнес
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Бізнес | Бізнес-навіны

Бізнес-навіны

4 Май 2016

Беларусь гатова рэалізоўваць сумесныя лагістычныя праекты з эмірацкай карпарацыяй "ДзіПі Уорлд"

4 мая, Мінск /Кар. БЕЛТА/. Беларусь гатова рэалізоўваць сумесныя лагістычныя праекты з эмірацкай карпарацыяй "ДзіПі Уорлд". Аб гэтым заявіў Прэзідэнт Беларусі Аляксандр Лукашэнка сёння на сустрэчы са старшынёй савета дырэктараў - генеральным дырэктарам карпарацыі "ДзіПі Уорлд" (ААЭ) Султанам Ахмедам бен Сулеймам, перадае карэспандэнт БЕЛТА.

Кіраўнік дзяржавы падкрэсліў важнасць візіту ў Беларусь аднаго з самых уплывовых у свеце бізнесменаў. "Думаю, што прыезд у Мінск чалавека, які ведае практычна ўсё аб лагістыцы ў свеце, не выпадковы", - адзначыў Прэзідэнт.

"Вы цудоўна разумееце, што Беларусь, якая знаходзіцца ў цэнтры Еўропы, асабліва ў гэты час, з'яўляецца важным транзітным звяном паміж Усходам і Захадам, Поўначчу і Поўднем. І мне вельмі хацелася б, каб за перыяд візіту вы ўбачылі свой інтарэс у Беларусі. І вельмі важна было б, каб інтарэсы Беларусі і вашай вялікай кампаніі супалі, - лічыць Аляксандр Лукашэнка. - У нас ёсць шмат ідэй, у вас - нямала магчымасцей. Хацелася б, каб гэта супадзенне прывяло да ўзнікнення новых кампаній (у тым ліку на тэрыторыі Беларусі), а таму і новых рабочых месц. Для нашых людзей у такі час гэта было б добрым знакам". Прэзідэнт запэўніў, што гатовы абмяркоўваць з Султанам Ахмедам бен Сулеймам любыя пытанні. Кіраўнік дзяржавы адзначыў, што калі эмірацкая карпарацыя вырашыць інвесціраваць у Беларусь, то для яе будуць створаны максімальна добрыя ўмовы.

На перагаворах размова ішла аб тэмах інвестыцый і магчымасці рэалізацыі сумесных праектаў.

Карпарацыя "ДзіПі Уорлд" уваходзіць у холдынг "Дубай Уорлд", які належыць ураду эмірату Дубай. Карпарацыя валодае 77 грузавымі тэрміналамі, размешчанымі на тэрыторыі 40 дзяржаў.

Архіў
Пн Аўт Сер Чцв Пт Сб Нядз
Конкурс перакладаў раней невядомага верша Максіма Багдановіча
Помнікі Вялікай Айчыннай вайны ў Беларусі
Партызанскі летапіс
Еўрапейскія гульні-2019 у Мінску