Афіцыйны сайт Рэспублікі Беларусь
Бізнес
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Бізнес | Бізнес-навіны

Бізнес-навіны

30 Sep 2019

Беларусь і В'етнам узгаднілі шляхі пашырэння інвестыцыйнага супрацоўніцтва

Беларусь і В'етнам узгаднілі шляхі пашырэння інвестыцыйнага супрацоўніцтва

30 верасня, Мінск /Кар. БЕЛТА/. Беларусь і В'етнам пацвердзілі ўзаемнае імкненне развіваць супрацоўніцтва па ўсіх напрамках магчымага ўзаемадзеяння і ўзгаднілі шляхі далейшага пашырэння інвестыцыйнай прысутнасці, уключаючы стварэнне і развіццё сумесных прадпрыемстваў на тэрыторыях дзвюх краін. Гэтыя пытанні абмяркоўваліся ў час візіту ў В'етнам урадавай дэлегацыі Беларусі на чале з намеснікам прэм'ер-міністра Ігарам Ляшэнкам, паведамілі БЕЛТА ў прэс-службе ўрада.

Ігар Ляшэнка сустрэўся з прэм'ер-міністрам В'етнама Нгуен Суан Фукам, намеснікам прэм'ер-міністра Выонг Дзінь Хюэ, кіраўніцтвам Цэнтральнага камітэта Камуністычнай партыі В'етнама, намеснікам старшыні Народнага камітэта Ханоя, а таксама прадстаўнікамі В'етнамскай акадэміі навук і тэхналогій. Кіраўнік беларускай дэлегацыі абмеркаваў з партнёрамі шырокі спектр актуальных пытанняў двухбаковага супрацоўніцтва, зрабіўшы акцэнт на развіцці гандлёва-эканамічных сувязей. Віцэ-прэм'ер адзначыў гатоўнасць павялічваць пастаўкі беларускай аўтамабільнай і кар'ернай тэхнікі на мясцовы рынак, а таксама прапанаваў разгледзець магчымасць сумеснай зборкі найноўшых распрацовак гарадскога пасажырскага транспарту ў Ханоі.

Беларуская дэлегацыя прыняла ўдзел ва ўрачыстым адкрыцці завода па зборцы аўтатэхнікі МАЗ у правінцыі Хынген. Запуск зборачнага завода ў эксплуатацыю з'яўляецца пачаткам вялікага шляху па асваенні беларускай тэхнікай маштабнага рынку краін Паўднёва-Усходняй Азіі, заявіў у час цырымоніі Ігар Ляшэнка. "Менавіта таму перад намі стаяць амбіцыйныя задачы па арганізацыі бесперабойнага функцыянавання прадпрыемства, яго расшырэння і далейшага развіцця. У планах асваенне выпуску новых мадэлей грузавых аўтамабіляў, наладжванне вытворчасці спецыяльнага транспарту, а таксама поўнафарматная лакалізацыя аўтатэхнікі МАЗ у В'етнаме. Пры гэтым мы разглядаем В'етнам як самую перспектыўную пляцоўку і вароты на рынак краін АСЕАН", - сказаў ён.

Віцэ-прэм'ер адзначыў, што пры праектаванні завода ўлічваліся самыя апошнія дызайнерскія напрацоўкі і наватарскія падыходы. Вытворчая магутнасць завода складае 3 тыс. грузавых аўтамабіляў у год. На заводзе ўжо цяпер працуе каля 30 чалавек, а пры поўнай загрузцы вытворчага цыкла гэта колькасць значна вырасце. Агульны аб'ём інвестыцый у праект склаў прыкладна $10 млн.

Па выніках рабочага візіту ўрадавай дэлегацыі ў В'етнам падпісаны праграма супрацоўніцтва ў галіне культуры паміж Міністэрствам культуры Беларусі і Міністэрствам культуры, спорту і турызму В'етнама на 2020-2021 гады, а таксама мемарандум аб супрацоўніцтве паміж УП "Беларускі нафтавы гандлёвы дом" і кампаніяй Vietnam Rubber Group (VRG) на пастаўку натуральнага каўчуку для патрэб ААТ "Белшына". Заключаны кантракты, у тым ліку на пастаўку ў В'етнам машынакамплектаў грузавых аўтамабіляў МАЗ.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі