Афіцыйны сайт Рэспублікі Беларусь
Бізнес
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Бізнес | Бізнес-навіны

Бізнес-навіны

15 Apr 2016

Беларусь і Іванаўская вобласць разлічваюць істотна павялічыць гандлёвы абарот

15 красавіка, Мінск /Юлія Огнева - БЕЛТА/. Беларусь і Іванаўская вобласць разлічваюць істотна актывізаваць гандлёва-эканамічнае супрацоўніцтва, заявіў сёння прэм'ер-міністр Беларусі Андрэй Кабякоў на сустрэчы з губернатарам Іванаўскай вобласці Паўлам Каньковым, перадае карэспандэнт БЕЛТА.

"Прамыя сувязі з суб'ектамі Расійскай Федэрацыі з'яўляюцца фундаментам гандлёва-эканамічных адносін паміж Беларуссю і Расіяй. Іванаўская вобласць для Беларусі даўні партнёр. Няхай у цяперашніх няпростых эканамічных умовах аб'ём нашага гандлёва-эканамічнага абароту не такі вялікі - каля $100 млн, але мы разлічваем, што зможам знайсці магчымасці, каб прыкметна дабавіць, тым больш што дынаміка гэтага года сведчыць аб тым, што можна спадзявацца на станоўчы вынік", - адзначыў Андрэй Кабякоў.

Кіраўнік беларускага ўрада падкрэсліў, што Беларусі і Іванаўскай вобласці неабходна актывізаваць развіццё гандлёвых адносін. "Мы можам прапанаваць нашым партнёрам практычна ўвесь спектр прадукцыі машынабудавання. Гэта і сельскагаспадарчая, і пасажырская, і камунальная, і дарожна-будаўнічая, і кар'ерная тэхніка. Усё гэта, як мы ведаем, запатрабавана ў Іванаўскай вобласці", - сказаў Андрэй Кабякоў.

Таксама кіраўнік беларускага ўрада расказаў, што Беларусь гатова пастаўляць абсталяванне для перапрацоўкі харчовай прадукцыі.

"У нас развітая нафтахімія. І вы збіраецеся мадэрнізаваць шэраг напрамкаў у сябе. Давайце пагаворым аб гэтым, каб не паўтараць адзін аднаго, а потым канкурыраваць у тых сферах, дзе мы маглі б дапоўніць, а не ствараць паралельныя вытворчасці", - сказаў прэм'ер-міністр.

Андрэй Кабякоў адзначыў, што канцэрн "Беллегпрам" зацікаўлены ў супрацоўніцтве з калегамі з Іванаўскай вобласці, якая з'яўляецца цэнтрам развіцця расійскага легпрама.

"Нам вядома аб маштабнай праграме развіцця сельскай гаспадаркі і рэгулявання рынкаў сельгаспрадукцыі, сыравіны і прадуктаў харчавання ў Іванаўскай вобласці. Разлічваем, што наша трактарная, збожжа- і кормаўборачная тэхніка паслужыць для рэалізацыі гэтай праграмы. Мы гатовы ўдзельнічаць на любых конкурсных умовах, прапаноўваць сваю тэхніку. Яна канкурэнтаздольная", - запэўніў Андрэй Кабякоў.

Таксама ён прапанаваў пастаўляць у Іванаўскую вобласць пасажырскую тэхніку на газаматорным паліве. "Гэта адзін з трэндаў у Расіі і Беларусі. Гэту тэхніку мы прапануем не ўсляпую - яна актыўна эксплуатуецца ў Мінску. Мы ведаем, што яна дае добры вынік", - канстатаваў кіраўнік беларускага ўрада.

Другім напрамкам развіцця гандлёва-эканамічнага супрацоўніцтва Андрэй Кабякоў назваў кааперацыйныя праекты ў прамысловай сферы. У якасці паспяховага вопыту ён назваў краны "Іванавец" на шасі МАЗа. "Давайце разам папрацуем і зробім так, каб і гэты праект рухаўся, і пашукаем магчымасці і напрамкі, дзе мы маглі б у прамысловай кааперацыі дапоўніць адзін аднаго", - прапанаваў ён.

Кіраўнік беларускага ўрада адзначыў, што Беларусь гатова супрацоўнічаць з Іванаўскай вобласцю ў будаўніцтве і эксплуатацыі малочнатаварных ферм. Андрэй Кабякоў запрасіў прадстаўнікоў Іванаўскай вобласці на выстаўку "Белагра-2016".

На думку прэм'ер-міністра, Беларусь і Іванаўская вобласць могуць супрацоўнічаць і ў будаўнічай сферы. "Даволі шмат прыкладаў удзелу беларускіх будаўнікоў у рэалізацыі праектаў у жыллёвай і не толькі сферах у Расіі. Ёсць добры вопыт работы ў далёкім замежжы, нават цераз акіяны. У нас сфарміраваны магутныя будаўнічыя кампаніі, якія могуць выканаць аб'екты любога класа, якія вы толькі пажадаеце", - запэўніў Андрэй Кабякоў.

У сваю чаргу Павел Канькоў падзякаваў Андрэю Кабякову за сустрэчу і выказаў надзею на плённае супрацоўніцтва.

У 2015 годзе тавараабарот паміж Беларуссю і Іванаўскай вобласцю склаў $72,8 млн і ў параўнанні з 2014 годам скараціўся на 23,1 працэнта. У студзені-лютым 2016 года тавараабарот склаў $7,5 млн, што на 20,6 працэнта больш, чым за аналагічны мінулагодні перыяд.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі