Бізнес-навіны

Беларусь і Сербія намецілі крокі па актывізацыі супрацоўніцтва

15 лютага, Мінск /Кар. БЕЛТА/. Надзвычайны і Паўнамоцны Пасол Рэспублікі Беларусь у Рэспубліцы Сербія Сяргей Маліноўскі сустрэўся з міністрам урада гэтай краіны Ненадам Попавічам. Аб гэтым паведамляе карэспандэнт БЕЛТА са спасылкай на беларускую загранустанову ў Сербіі.

Ненад Попавіч як міністр з'яўляецца адказным за міжнароднае эканамічнае супрацоўніцтва і грамадскае становішча царквы ў краіне і за яе межамі.

На сустрэчы кіраўнік беларускай дыпламатычнай місіі і міністр абмеркавалі актуальныя пытанні развіцця двухбаковага гандлёва-эканамічнага супрацоўніцтва.

Акрамя таго, размова ішла пра ход рэалізацыі раней дасягнутых дамоўленасцей. Бакі таксама пацвердзілі ўзаемную цікавасць і намецілі канкрэтныя захады па далейшай актывізацыі ўзаемадзеяння.

версія для друку

зрабіць стартавай

дабавіць у выбранае