Бізнес-навіны

7 красавіка, Мінск /Кар. БЕЛТА/. Начальнік упраўлення Азіі, Аўстраліі і Акіяніі Міністэрства замежных спраў Беларусі Андрэй Грынкевіч у час наведвання 6-7 красавіка Пакістана правёў сустрэчы ў горадзе Карачы з прадстаўнікамі федэральных і рэгіянальных ведамстваў. Аб гэтым БЕЛТА паведамілі ў прэс-службе беларускага знешнепалітычнага ведамства.

На сустрэчы беларускага дыпламата з міністрам фінансаў і энергетыкі ўрада правінцыі Сінд Муратам А. Шахам узнімаліся пытанні развіцця міжрэгіянальнага супрацоўніцтва рэгіёна з Гродзенскай і Гомельскай абласцямі. "Асаблівую ўвагу бакі ўдзялілі магчымасці правядзення рэгіянальных бізнес-форумаў і рэалізацыі сумесных праектаў", - дадалі ў міністэрстве.

З кіраўніцтвам Агенцтва па развіцці гандлю Пакістана Андрэй Грынкевіч абмеркаваў устанаўленне супрацоўніцтва з Нацыянальным цэнтрам маркетынгу і кан'юнктуры цэн МЗС Беларусі для садзейнічання развіццю двухбаковага гандлю паміж краінамі.