4 чэрвеня, Мінск /Святлана Саўко - БЕЛТА/. Беларусь і Індыя разлічваюць нарасціць двухбаковы тавараабарот да $1 млрд да 2020 года. Аб гэтым сёння заявіў Прэзідэнт Індыі Пранаб Мукерджы ў час адкрыцця беларуска-індыйскага бізнес-форуму ў Мінску, перадае карэспандэнт БЕЛТА.
Прэзідэнт Індыі канстатаваў, што двухбаковы гандлёвы абарот Беларусі і Індыі ў многім значна ніжэйшы за свой патэнцыял. Пранаб Мукерджы адзначыў, што ён настроены даволі аптымістычна: "Мы можам павысіць узровень нашага гандлю да $1 млрд да 2020 года".
Індыйскі лідар выказаў упэўненасць, што гэты ўзровень можа быць дасягнуты, калі Беларусь і Індыя пашыраць дыяпазон гандлёвага асартыменту, павысяць долю высокіх тэхналогій, павялічаць узаемадзеянне ў такіх сферах, як ахова здароўя, IT, фінансавых паслуг, транспарту і лагістыкі.
Напярэдадні Беларусь і Індыя падпісалі дарожную карту супрацоўніцтва. Пранаб Мукерджы звярнуў увагу, што яна значна сфакусіравана на эканамічным, інвестыцыйным партнёрстве, а таксама супрацоўніцтве ў сферы тэхналогій.