У Беларусь без візы на 30 дзён
Афіцыйны сайт Рэспублікі Беларусь
ВЫБАРЫ ў Палату прадстаўнікоў Нацыянальнага сходу Рэспублікі Беларусь
Бізнес
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Бізнес | Бізнес-навіны

Бізнес-навіны

2 Крс 2019

Банк развіцця адкрыў крэдытную лінію на 50 млн еўра для фінансавання экспарту ў Заходнюю Афрыку

Банк развіцця адкрыў крэдытную лінію на 50 млн еўра для фінансавання экспарту ў Заходнюю Афрыку

2 красавіка, Мінск /Кар. БЕЛТА/. Новая крэдытная лінія Банка развіцця прадугледжвае 50 млн еўра для фінансавання беларускага экспарту ў краіны Заходняй Афрыкі. Адпаведнае пагадненне 2 красавіка падпісалі Банк развіцця і Banque Ouest Africaine de Developpement (BOAD), паведамляе БЕЛТА са спасылкай на сайт Банка развіцця.

"Наша работа ў сферы экспартнага фінансавання заўсёды накіравана на стварэнне магчымасцей для беларускіх прадпрыемстваў супрацоўнічаць з любым рэгіёнам свету. Афрыка - гэта кантынент велізарнага эканамічнага патэнцыялу, рэгіён, якому надаецца асаблівая ўвага вядучых сусветных экспарцёраў. Таму пры падтрымцы нашых партнёраў з BOAD мы прапануем вельмі выгадныя ўмовы афрыканскім кампаніям, зацікаўленым у набыцці тавараў, работ і паслуг з Беларусі. Гэта адназначна выкліча цікавасць да супрацоўніцтва з беларускім бокам", - пракаменціраваў падпісанне пагаднення старшыня праўлення Банка развіцця Андрэй Жышкевіч.

BOAD - фінансавы інстытут развіцця, што абслугоўвае краіны Заходнеафрыканскага эканамічнага і валютнага саюза, заснаваны ў 1973 годзе, удзельнікамі якога з'яўляюцца Буркіна-Фасо, Гвінея-Бісау, Малі, Нігер, Сенегал, Тога, Бенін, Марока, Францыя, Бельгія, Еўрапейскі інвестыцыйны банк, Народны банк Кітая, Эксімбанк Індыі, Афрыканскі банк развіцця.-0-

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс