Бізнес-навіны
Авіязносіны паміж Мінскам і Ташкентам будуць наладжаны з 2 ліпеня
25 чэрвеня, Мінск /Наталля Злотнік - БЕЛТА/. Авіякампанія "Узбекістон Хаво Юлары" пачне выконваць рэгулярныя пасажырскія рэйсы паміж Ташкентам і Мінскам. Аб гэтым паведамілі БЕЛТА ў прэс-цэнтры Нацыянальнага аэрапорта Мінск.
Гэты рэйс адкрываецца з 2 ліпеня. Ён стане адзіным паветраным мостам, які будзе звязваць сталіцы Узбекістана і Беларусі.
Рэйс Мінск - Ташкент будзе ажыццяўляцца двойчы ў тыдзень па аўторках і чацвяргах на самалётах "Боінг" і "Аэробус". Час палёту з Мінска ў Ташкент складзе 4 гадзіны 45 мінут.
"Новы рэйс у Ташкент адкрые пасажырам Нацыянальнага аэрапорта Мінск шырокія магчымасці для ажыццяўлення зручных стыковак трансферных рэйсаў авіякампаніі "Узбекістон Хаво Юлары" - у Дэлі, Амрытсар, Бангкок, Сінгапур, Пекін, Токіа, Сеул і Куала-Лумпур", - адзначылі ў прэс-цэнтры.
версія для друку
зрабіць стартавай
дабавіць у выбранае