Бізнес-навіны

АПК будучыні. Што ў планах у Беларусі на 2026-2030 гады?

Фота з архiва

5 студзеня, Мінск /Кар. БЕЛТА/. Зацверджана дзяржаўная праграма "АПК будучыні" на 2026-2030 гады. Адпаведную пастанову падпісаў прэм'ер-міністр Беларусі Аляксандр Турчын, паведамілі БЕЛТА ў прэс-службе ўрада.

Мэта - пабудова ў краіне высокапрадукцыйнага аграпрамысловага комплексу.

Дзяржаўнай праграмай прадугледжваюцца тры зводныя мэтавыя паказчыкі: індэкс вытворчасці прамысловай прадукцыі (ІФА па сістэме Мінсельгасхарча) - 115 працэнтаў за пяцігоддзе; інтэгральны індэкс харчовай бяспекі (не менш за 1 штогод); прадукцыйнасць працы па валавой дабаўленай вартасці сельскагаспадарчых арганізацый (130 працэнтаў у 2030 годзе да 2025 года).

У мэтах забеспячэння параметраў уласнай вытворчасці сельскагаспадарчай прадукцыі і харчавання ўстаноўлены паказчык харчовай бяспекі, які ўключае ў сябе 10 відаў прадукцыі (збожжа, малако, мяса, цукар, раслінны алей, бульбу, агародніну, плады і ягады, яйкі, рыбу), што дазволіць падтрымаць забеспячэнне ўнутранага рынку якаснымі прадуктамі харчавання айчыннай вытворчасці.

Дзяржаўная праграма ўключае 10 падпраграм: "Эфектыўнае раслінаводства", "Інтэнсіўная жывёлагадоўля", "Развіццё аквакультуры і рыбалоўнай гаспадаркі", "Проціпаводкавая абарона сельскагаспадарчых зямель", "Меліярацыя зямель", "Развіццё перапрацоўчай прамысловасці", "Пераадоленне наступстваў катастрофы на Чарнобыльскай АЭС у АПК", "Малыя формы гаспадарання", "Лічбавізацыя АПК, у тым ліку дакладнае земляробства", "Устойлівае развіццё АПК".

Фінансавае забеспячэнне рэалізацыі дзяржаўнай праграмы ў 2026-2030 гадах складзе Br119,039 млрд.

версія для друку

зрабіць стартавай

дабавіць у выбранае