Афіцыйны сайт Рэспублікі Беларусь
Бізнес
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Бізнес | Бізнес-навіны

Бізнес-навіны

4 Dec 2018

"Амкадор" паставіў ва Уфу франтальныя пагрузчыкі


Фота amkodor.by

4 снежня, Масква /Эдуард Півавар - БЕЛТА/. Шэсць франтальных аднакаўшовых пагрузчыкаў "Амкадор-352" перададзены гарадскім раёнам Уфы, паведамілі БЕЛТА ў прэс-службе пасольства Беларусі ў Расіі.

"Гэта пастаўка стала рэалізацыяй аднаго з першых кантрактаў нядаўна створанага ва Уфе філіяла афіцыйнага дыстрыб'ютара холдынга "Амкадор" у Прыволжскай федэральнай акрузе Расіі ТАА "Амкадор-Спамаш" у рамках выканання плана мерапрыемстваў па супрацоўніцтве паміж урадам Беларусі і ўрадам Башкортастана на 2016-2018 гады", - адзначылі ў дыппрадстаўніцтве.

У цырымоніі перадачы тэхнікі прынялі ўдзел першы намеснік кіраўніка Адміністрацыі гарадской акругі горада Уфа Салават Хусаінаў, кіраўнік аддзялення пасольства Беларусі ва Уфе Пётр Балтруковіч, кіраўніцтва адміністрацый раёнаў Уфы, камунальных і дарожных службаў. Як паведаміў Салават Хусаінаў, патрэбнасці Уфы ў дарожнай і камунальнай тэхніцы яшчэ значныя, і кіраўніцтва горада, разглядаючы далейшыя закупкі тэхнікі, будзе мець на ўвазе высокую якасць і надзейнасць тэхнікі ААТ "Амкадор".

Паводле слоў уфімскіх спецыялістаў, выбар прыпаў на мадэль "Амкадор-352", паколькі яна найбольш універсальная і аптымальна падыходзіць да ўмоў інтэнсіўнай мнагапланавай работы. Пагрузчык дае магчымасць поўнасцю механізаваць пагрузачна-разгрузачныя работы, выконваць землярыйна-транспартныя, будаўніча-мантажныя, такелажныя работы і можа выкарыстоўвацца ў прамысловым, грамадзянскім, дарожным будаўніцтве, у камунальнай і сельскай гаспадарцы, на дапаможных работах у кар'ерах.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі