У Беларусь без візы: на 5 дзён для грамадзян 80 краін
Афіцыйны сайт Рэспублікі Беларусь
XXVII Міжнародны фестываль мастацтваў
Навіны
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Навіны | Фота | У Гродна, Брэст і не толькі – без візы на 10 дзён

У Гродна, Брэст і не толькі – без візы на 10 дзён

У Гродна, Брэст і не толькі – без візы на 10 дзён
8 Стд 2018

Гасцінная Беларусь усё шырэй адкрывае дзверы замежным гасцям. І сёння ў грамадзян дзясяткаў краін свету ёсць ужо некалькі магчымасцей прыехаць у Беларусь без візы:

  • на 5 дзён! На працягу гэтага перыяду можна пабываць у любой кропцы краіны, галоўнае – выканаць важную ўмову – прыляцець у Беларусь і вярнуцца дадому або ў іншую краіну толькі праз Нацыянальны аэрапорт Мінск.
  • на 10 дзён! Па гэтай праграме замежных турыстаў запрашаюць наведаць адну з дзвюх бязвізавых зон Беларусі: і з 1 студзеня 2018-га не толькі павялічыўся тэрмін знаходжання ў іх, але і значна пашыраны самі тэрыторыі.

Цяпер у распараджэнні гасцей на 10 дзён – найпрыгажэйшыя мясціны заходніх рэгіёнаў Беларусі. Адной бязвізавай тэрыторыяй стала турысцка-рэкрэацыйная зона "Брэст" – а гэта сам горад Брэст са слаўнай крэпасцю-героем, Брэсцкі, Жабінкаўскі, Камянецкі і Пружанскі раёны Брэсцкай вобласці, а таксама Свіслацкі раён Гродзенскай вобласці. Тут жа, зразумела, знаходзіцца знакамітая прыродная жамчужына са Спіса сусветнай спадчыны ЮНЕСКАнацыянальны парк "Белавежская пушча".

Другая бязвізавая зона аб'ядноўвае маляўнічы турысцка-рэкрэацыйны парк "Аўгустоўскі канал", "каралеўскі" горад Гродна і Гродзенскі раён.

Для таго каб па бязвізавай праграме прыехаць у Брэст або Гродна на 10 дзён, трэба:

  • выбраць тур з кампаніяй-аператарам (згодна з правіламі, менавіта тураператары ўзгадняюць маршруты і экскурсіі на тэрыторыі бязвізавых зон);
  • запоўніць анкету, выслаць свае даныя (пашпартныя, кантактныя) і заключыць дагавор з кампаніяй на індывідуальнае або групавое наведванне.

Усё астатняе – рэгістрацыю, падрыхтоўку неабходных дакументаў, удакладненне іншых нюансаў – тураператар павінен зрабіць на працягу 48 гадзін. І вам застанецца толькі прыехаць і цешыцца адпачынкам! Дарэчы, прыбыць можна праз вызначаныя правіламі пункты пропуску на прылеглай да бязвізавых зон граніцы, а таксама чыгуначныя вакзалы і паветраныя гавані Брэста і Гродна.

А мы прапануем пагартаць фотаальбом і паглядзець, якія выдатныя мясціны вы можаце ўбачыць, калі вырашыце зрабіць гэта займальнае падарожжа на захад Беларусі. Без візы на 10 дзён!

У Гродна, Брэст і не толькі – без візы на 10 дзён
У заходнія абласныя цэнтры Беларусі цяпер можна прыехаць без візы на 10 дзён
У заходнія абласныя цэнтры Беларусі цяпер можна прыехаць без візы на 10 дзён
У заходнія абласныя цэнтры Беларусі цяпер можна прыехаць без візы на 10 дзён
У Гродна, Брэст і не толькі – без візы на 10 дзён
1 2 3 4 5  [6..7]      Наступная