Дзень усенароднай памяці ахвяр Вялікай Айчыннай вайны ў Беларусі

Сумна вядомая дата – 22 чэрвеня 1941 года – навечна ўвайшла ў гісторыю Беларусі і ўсяго свету. І праз дзесяцігоддзі дзень, калі пачалася Вялікая Айчынная вайна, служыць напамінам аб трагедыі, якая прынесла боль і пакуты амаль у кожную беларускую сям’ю. У памяць аб першым дні вайны ў розных кутках краіны адбыліся мітынгі-рэквіемы, сустрэчы ветэранаў і маштабныя гістарычныя рэканструкцыі, дзякуючы якім тысячы сучаснікаў – няхай нават усяго на некалькі гадзін – змаглі перанесціся ў мінулае і адчуць увесь жах таго, што здарылася 74 гады таму…    

Па традыцыі, цэнтрам памятных мерапрыемстваў стала легендарная Брэсцкая крэпасць, якая на досвітку 22 чэрвеня 1941 года першая прыняла ўдар ворага. Цырымонія, прысвечаная 74-й гадавіне пачатку Вялікай Айчыннай вайны, была назначана на 4 гадзіны раніцы…