Падзеі

Хрэнін: Беларусь і Расія прымаюць дастатковыя меры для забеспячэння бяспекі граніц СД

Фота з архiва

31 мая, Мінск /Кар. БЕЛТА/. Беларусь і Расія прымаюць дастатковыя меры для забеспячэння бяспекі граніц Саюзнай дзяржавы. Аб гэтым заявіў міністр абароны Віктар Хрэнін, перадае карэспандэнт БЕЛТА.

"На сённяшні дзень тых мер, якія прымаюцца для забеспячэння бяспекі ваенным ведамствам сумесна з Расійскай Федэрацыяй, дастаткова, - сказаў Віктар Хрэнін. - У тым ліку і прынятыя рашэнні, падпісанае зусім нядаўна разам з расійскім калегам палажэнне аб парадку ўтрымання ядзернай зброі на тэрыторыі Рэспублікі Беларусь, - гэта і ёсць тая дзейсная мера, якая павінна астудзіць агрэсіўны характар і ваяўнічую рыторыку, што ідзе перш за ўсё ад нашых суседзяў. А тое, што ў інфармацыйным полі адбываецца, тут мы, вядома, будзем працаваць і далей".

Дэпутаты на пасяджэнні дзявятай сесіі Палаты прадстаўнікоў сёмага склікання сёння прынялі законапраект "Аб ратыфікацыі Пратакола паміж Рэспублікай Беларусь і Расійскай Федэрацыяй аб унясенні змяненняў у Пагадненне паміж Рэспублікай Беларусь і Расійскай Федэрацыяй аб сумесным забеспячэнні рэгіянальнай бяспекі ў ваеннай сферы ад 19 снежня 1997 года". Палажэнні пратакола дэталізуюць нормы пагаднення аб рэгіянальнай групоўцы войскаў (сіл) Рэспублікі Беларусь і Расійскай Федэрацыі, прадугледжваючы магчымасць дыслакацыі злучэнняў і воінскіх часцей расійскай часткі гэтай групоўкі, аб'ектаў ваеннай інфраструктуры Узброеных Сіл Расійскай Федэрацыі, якія забяспечваюць іх функцыянаванне.

версія для друку

зрабіць стартавай

дабавіць у выбранае