Падзеі

Рыбакоў: нягледзячы на складанасці, Беларусь прадоўжыць пашыраць свае ініцыятывы ў ААН

Валянцін Рыбакоў

24 ліпеня, Мінск /Кар. БЕЛТА/. Нягледзячы на ўсе складанасці, Беларусь прадоўжыць пашыраць на пляцоўцы ААН тыя пытанні, якія з'яўляюцца яе нацыянальнымі інтарэсамі. Аб гэтым заявіў журналістам пастаянны прадстаўнік Беларусі ў ААН Валянцін Рыбакоў, які прымае ўдзел у штогадовым семінары кіраўнікоў дыпмісій у Мінску, перадае карэспандэнт БЕЛТА.

"Нягледзячы на ўсе складанасці, з якімі мы сутыкаемся ў рабоце ў ААН, гэта структура па-ранейшаму з'яўляецца адзінай універсальнай пляцоўкай, дзе сустракаюцца дзяржавы - члены гэтай арганізацыі", - падкрэсліў Валянцін Рыбакоў.

Галоўнае, паводле яго слоў, што беларускі бок заўсёды імкнецца данесці: ААН - гэта не нейкая загадкавая структура, гэта не будынак у цэнтры Нью-Ёрка, а гэта 193 дзяржавы-члены, у тым ліку Беларусь, якая была адной з 50 дзяржаў - заснавальніц ААН. "Таму ААН - гэта ўсе мы", - упэўнены дыпламат.

Валянцін Рыбакоў запэўніў, што Беларусь прадоўжыць развіваць тыя ініцыятывы, якімі яна вядома ў ААН. "Беларусь пазнаюць на пляцоўцы, з Беларуссю актыўна працуюць. Нягледзячы на ўсе складанасці, мы будзем прадаўжаць развіваць тыя пытанні, якія з'яўляюцца нашымі нацыянальнымі інтарэсамі, прыярытэтамі. У нас шмат саюзнікаў, у нас ёсць з кім размаўляць. Голас Беларусі чуваць у Арганізацыі Аб'яднаных Нацый", - сказаў дыпламат.

У прыватнасці, Беларусь плануе прымаць удзел у мерапрыемствах, намечаных на верасень бягучага года, у тым ліку тыдні высокага ўзроўню Генасамблеі ААН, на які чакаецца прыбыццё высокапастаўленай дэлегацыі з Беларусі, і саміце па ўстойлівым развіцці.

версія для друку

зрабіць стартавай

дабавіць у выбранае