Падзеі

Пасол Беларусі ўручыў даверчыя граматы Прэзідэнту Уганды

Фота МЗС

15 снежня, Мінск /Кар. БЕЛТА/. Надзвычайны і Паўнамоцны Пасол Рэспублікі Беларусь Павел Узяткін уручыў даверчыя граматы Прэзідэнту Рэспублікі Уганда Яверы Кагута Мусевені. Аб гэтым карэспандэнту БЕЛТА паведамілі ў прэс-службе беларускага знешнепалітычнага ведамства.

Бакі таксама абмеркавалі перспектыўныя напрамкі партнёрства паміж Рэспублікай Беларусь і Рэспублікай Уганда з акцэнтам на супрацоўніцтва ў галіне эканомікі і развіццё дагаворна-прававой базы.

Кіраўнік Уганды з цеплынёй нагадаў пра свой візіт у Рэспубліку Беларусь у 2000 годзе і сустрэчу з кіраўніком беларускай дзяржавы Аляксандрам Лукашэнкам. Ён адзначыў, што з задавальненнем прыме ва Угандзе Прэзідэнта Беларусі.

У час цырымоніі ўручэння адбылася размова пасла Беларусі з міністрам замежных спраў Уганды Адонга Джэджэ Абубахарам, у ходзе якой бакі ўзгаднілі планы сумеснай работы на бліжэйшы час.

версія для друку

зрабіць стартавай

дабавіць у выбранае