Падзеі

Марзалюк: дыялог паміж парламентамі Беларусі і Арменіі трэба інтэнсіфікаваць

Ігар Марзалюк

6 чэрвеня, Мінск /Кар. БЕЛТА/. Дыялог паміж парламентамі Беларусі і Арменіі неабходна інтэнсіфікаваць, заявіў журналістам старшыня Пастаяннай камісіі па адукацыі, культуры і навуцы Палаты прадстаўнікоў Ігар Марзалюк, перадае карэспандэнт БЕЛТА.

"Хацелася б большай інтэнсіфікацыі ўзаемаадносін без нейкіх стэрэатыпаў, шораў. Нармальна, рацыянальна і максімальна выкарыстоўваючы той патэнцыял, які ёсць у Беларусі. Нам ёсць што прапанаваць армянскаму боку ва ўсіх сферах. Мы павінны ўзмацняць дыялог паміж парламентамі Арменіі і Беларусі", - сказаў Ігар Марзалюк.

Ён заўважыў, што ў Беларусі і Арменіі даўнія сувязі і кантакты, у прыватнасці ў культурнай, навуковай, гуманітарнай сферах. Ёсць адукацыйныя праекты, аднак іх магло б быць больш, прадоўжыў дэпутат. Наладжаны кантакты на ўзроўні акадэмій навук.

"Мы павінны разумець, што і ў армян, і беларусаў ёсць пэўныя агульныя рэперныя кропкі ў мінулым, якія мы павінны максімальна пазітыўна выкарыстоўваць. Гэта звязана з гуманітарным і эканамічным складнікам, - дадаў Ігар Марзалюк. - Мы ніколі не забывалі аб укладзе армянскага народа ў ходзе Вялікай Айчыннай вайны, выдадзена кніга аб героях-армянах, якія вызвалялі Беларусь, ваявалі ў партызанскіх атрадах у нашай краіне".

Парламенцкая дэлегацыя Арменіі сёння прыняла ўдзел у 13-м пасяджэнні міжпарламенцкай беларуска-армянскай камісіі. Першае пасяджэнне міжпарламенцкай камісіі па супрацоўніцтве Нацыянальнага сходу Беларусі і Нацыянальнага сходу Арменіі адбылося 29 лістапада 2005 года ў Мінску.

версія для друку

зрабіць стартавай

дабавіць у выбранае