Падзеі

МАК рэкамендаваў дапускаць беларускіх і расійскіх спартсменаў да спаборніцтваў у нейтральным статусе

Фота з архiва

28 сакавіка, Мінск /Кар. БЕЛТА/. Міжнародны алімпійскі камітэт рэкамендаваў дапускаць беларускіх і расійскіх спартсменаў да ўдзелу ў міжнародных спаборніцтвах толькі ў якасці нейтральных атлетаў. Аб гэтым на прэс-канферэнцыі па выніках пасяджэння выканкама МАК заявіў прэзідэнт арганізацыі Томас Бах, паведамляе ТАСС.

"Міжнародныя спартыўныя спаборніцтвы павінны праводзіцца ў духу міру і талерантнасці і без дыскрымінацыі. Санкцыі не могуць прымяняцца толькі на падставе пашпарта або прыналежнасці да той ці іншай нацыі. Выканкам МАК заклікае міжнародныя арганізацыі да таго, што беларускія і расійскія спартсмены павінны спаборнічаць як індывідуальныя нейтральныя атлеты", - сказаў Томас Бах.

Кіраўнік МАК таксама падкрэсліў, што рашэнне па допуску беларусаў і расіян да ўдзелу ў Алімпіядзе будуць прымаць спартыўныя федэрацыі з умовай, што гэта рашэнне можа быць у любы момант адклікана. "МАК створыць спецыяльны орган пад эгідай федэрацый летніх і зімовых відаў спорту для прыняцця рашэнняў па допуску беларускіх і расійскіх спартсменаў. Крытэрыі будуць адзіныя для ўсіх відаў спорту, - дадаў ён. - Канчатковае рашэнне мы прымем у адпаведны час, па сваім меркаванні і без прывязкі да вынікаў алімпійскіх кваліфікацыйных спаборніцтваў".

версія для друку

зрабіць стартавай

дабавіць у выбранае