Падзеі

Лукашэнка заявіў аб зацікаўленасці Беларусі ў развіцці комплексу адносін з Анголай

Фота з архiва

11 лістапада, Мінск /Кар. БЕЛТА/. Прэзідэнт Беларусі Аляксандр Лукашэнка павіншаваў Прэзідэнта Рэспублікі Ангола Жаау Лаўрэнсу і ўвесь дружалюбны ангольскі народ з нацыянальным святам - Днём Незалежнасці. Аб гэтым БЕЛТА паведамілі ў прэс-службе беларускага лідара.

"Беларусь, як і Ангола, высока цэніць здабытую ў баях з прыгнятальнікамі магчымасць жыць сваім розумам, паляпшаць родную зямлю, мірна працаваць для светлай будучыні нашчадкаў", - гаворыцца ў віншаванні.

Кіраўнік дзяржавы падкрэсліў зацікаўленасць Мінска ў далейшым развіцці ўсяго комплексу двухбаковых адносін з Луандай. "Лічу, што надышоў час актывізаваць работу і пачаць рэалізацыю сумесных праектаў у сельскай гаспадарцы, машынабудаванні, здабыўной прамысловасці, адукацыі, навуцы і іншых сферах узаемнага інтарэсу", - адзначыў беларускі лідар.

Аляксандр Лукашэнка пажадаў Жаау Лаўрэнсу моцнага здароўя і поспехаў, а грамадзянам Анголы - шчасця і дабрабыту.

версія для друку

зрабіць стартавай

дабавіць у выбранае