Падзеі

Лукашэнка: у Беларусі высока цэняць дружалюбны характар адносін з Катарам

Фота з архiва

18 снежня, Мінск /Кар. БЕЛТА/. Прэзідэнт Беларусі Аляксандр Лукашэнка павіншаваў Эміра Дзяржавы Катар шэйха Таміма бен Хамада аль-Тані, яго намесніка шэйха Абдалу бен Хамада аль-Тані і народ гэтай краіны з Нацыянальным днём. Аб гэтым БЕЛТА паведамілі ў прэс-службе беларускага лідара.

Кіраўнік дзяржавы адзначыў, што Катар, як і Беларусь, выкарыстоўвае ўсе магчымасці і рэсурсы для садзейнічання дасягненню міру і згоды ў свеце. "Доха змагла стаць адной з асноўных пляцовак для ўрэгулявання рэгіянальных крызісаў і наладжвання камунікацыі паміж рознымі палітычнымі сіламі", - гаворыцца ў віншаванні Эміру Дзяржавы Катар.

Прэзідэнт выказаў удзячнасць за дапамогу, аказаную беларускім грамадзянам пры эвакуацыі з Сектара Газа.

"Мы высока цэнім дружалюбны характар адносін з Катарам і імкнёмся да пашырэння ўзаемадзеяння па ўсіх напрамках і пошуку сфер агульных інтарэсаў, - падкрэсліў беларускі лідар. - Пацвярджаю гатоўнасць Мінска да ўмацавання супрацоўніцтва з Дохай у палітычнай, гандлёва-эканамічнай, лагістычнай, фінансавай, інвестыцыйнай і іншых галінах і спадзяюся на Вашу асабістую падтрымку".

У віншавальным пасланні шэйху Абдалу бен Хамаду аль-Тані Аляксандр Лукашэнка адзначыў поспехі Катара ў павышэнні дабрабыту грамадзян, устойлівым развіцці краіны і ўмацаванні яе ролі як важнай рэгіянальнай і міжнароднай пляцоўкі. "Беларусь падтрымлівае імкненне Вашай дзяржавы да мірнага ўрэгулявання крызісаў на Блізкім Усходзе, а таксама да наладжвання эфектыўнага дыялогу паміж рознымі краінамі глабальных Поўдня і Поўначы", - заўважыў Прэзідэнт.

версія для друку

зрабіць стартавай

дабавіць у выбранае