Падзеі

Лукашэнка: у Беларусі надаюць важнае значэнне нарошчванню ўзаемадзеяння з Кыргызстанам

Фота з архiва

31 жніўня, Мінск /Кар. БЕЛТА/. Прэзідэнт Беларусі Аляксандр Лукашэнка павіншаваў Прэзідэнта Кыргызстана Садыра Жапарава з нацыянальным святам - Днём Незалежнасці. Аб гэтым БЕЛТА паведамілі ў прэс-службе беларускага лідара.

"Кыргызстан прайшоў нялёгкі шлях набыцця дзяржаўнасці. Сёння краіна дастойна адказвае на выклікі сучаснасці, цвёрда адстойваючы свае інтарэсы на міжнароднай арэне", - гаворыцца ў віншаванні.

У Беларусі надаюць важнае значэнне паслядоўнаму пашырэнню кантактаў з Кыргызстанам, нарошчванню ўзаемадзеяння ў рамках Еўразійскага эканамічнага саюза і іншых структур, адзначыў кіраўнік дзяржавы. "Высока цаню Вашу асабістую падтрымку імкнення Беларусі стаць паўнапраўным членам Шанхайскай арганізацыі супрацоўніцтва, - падкрэсліў ён. - Перакананы, адносіны дружбы і павагі, што склаліся паміж Мінскам і Бішкекам, дадуць магчымасць нам паспяхова процістаяць беспрэцэдэнтным глабальным узрушэнням і ўзбагаціць партнёрства новымі ідэямі і перспектыўнымі праектамі".

Аляксандр Лукашэнка пажадаў Садыру Жапараву моцнага здароўя, шчасця і плённай дзейнасці, а народу Кыргызстана - мірнага і паспяховага жыцця.

версія для друку

зрабіць стартавай

дабавіць у выбранае