Падзеі

Лукашэнка пацвердзіў прыезд кіраўніка ПВК "Вагнер" Прыгожына ў Беларусь

27 чэрвеня, Мінск /Кар. БЕЛТА/. Прэзідэнт Беларусі Аляксандр Лукашэнка пацвердзіў знаходжанне кіраўніка ПВК "Вагнер" у Беларусі. Аб гэтым кіраўнік дзяржавы заявіў на цырымоніі ўручэння пагонаў вышэйшаму афіцэрскаму складу, раскрываючы падрабязнасці перагавораў 24 чэрвеня з кіраўніком ПВК "Вагнер" Яўгенам Прыгожыным, перадае карэспандэнт БЕЛТА.

"Гарантыі бяспекі, як ён (Прэзідэнт Расіі Уладзімір Пуцін. - Заўвага БЕЛТА) учора паабяцаў, былі прадастаўлены. Я бачу, Прыгожын лятае ўжо на гэтым самалёце. Так, сапраўды, ён сёння ў Беларусі. Як я і абяцаў, калі вы хочаце нейкі час у нас перакантавацца і іншае, мы вам дапаможам. Зразумела, за іх (вагнераўцаў. - Заўвага БЕЛТА) кошт", - сказаў Прэзідэнт.

"Але, як Хрэнін (міністр абароны Беларусі Віктар Хрэнін. - Заўвага БЕЛТА) гаворыць: "Мне такое падраздзяленне ў арміі не перашкодзіла б". Я згодны. Размаўляй з імі", - адзначыў беларускі лідар.

версія для друку

зрабіць стартавай

дабавіць у выбранае