6 лютага, Мінск /Кар. БЕЛТА/. Прэзідэнт Беларусі Аляксандр Лукашэнка назначыў Мікалая Латышонка памочнікам Прэзідэнта па агульных пытаннях, перадае карэспандэнт БЕЛТА.
Мікалай Леанідавіч Латышонак нарадзіўся ў 1964 годзе ў вёсцы Забор'е Мёрскага раёна. Пасля тэрміновай службы ва Узброеных Сілах СССР ён паступіў у Разанскае вышэйшае паветрана-дэсантнае каманднае вучылішча, якое скончыў у 1988 годзе. У 2011-м атрымаў дыплом Акадэміі кіравання пры Прэзідэнце Беларусі.
З 1988 па 1993 год Мікалай Латышонак праходзіў службу ва ўзброеных сілах на тэрыторыі Казахстана, а затым да 1995 года ў пагранічных войсках Беларусі.
У 1995 годзе ён перайшоў у Службу бяспекі Прэзідэнта Беларусі. Тут ён прайшоў шлях ад старшага афіцэра да начальніка ўпраўлення асабістай аховы. Са жніўня 2017 года знаходзіцца ў запасе.
Узнагароджаны ордэнам "За службу Радзіме", медалямі "За бездакорную службу" I, II, III ступеней.