Падзеі

Лукашэнка: калі б толькі адчуў, што большасць беларусаў мяне не падтрымлівае, я пайшоў бы

7 лютага, Мінск /Кар. БЕЛТА/. Прэзідэнт Беларусі Аляксандр Лукашэнка ў інтэрв'ю журналісту УДТРК, радыё- і тэлевядучаму Уладзіміру Салаўёву заявіў, што пайшоў бы з пасады кіраўніка дзяржавы, калі б не адчуваў падтрымку беларускага народа, паведамляе БЕЛТА.

"Калі б я толькі адчуў, што большасць беларускага народа Лукашэнку не падтрымлівае, лёс Лукашэнкі ім жа быў вырашаны на працягу сутак, - адзначыў кіраўнік дзяржавы. - Я пайшоў бы".

"Куды?" - удакладніў вядучы.

"На пенсію", - адказаў Аляксандр Лукашэнка.

Прэзідэнт заявіў, што ў краіне праводзяцца апытанні грамадскага меркавання, і ён патрабуе дакладваць выключна праўдзівую інфармацыю, якой бы яна ні была. Асабліва гэта датычыцца бліжэйшага акружэння. "Ліслівіць забаронена. Гэта асаблівасць Беларусі і беларускага Прэзідэнта, выбачайце за нясціпласць", - адзначыў кіраўнік дзяржавы.

"Вы здольны аддаць уладу?" - спытаў Уладзімір Салаўёў.

"Элементарна! - сказаў Аляксандр Лукашэнка. - Каму? Гэта ўжо няхай народ вызначыць. Усяляк бывае. Я ж зямны чалавек, разумею: народ вырашыў, што хопіць - ну і добра. Значыць, народ зрабіў свой выбар. Цяпер велізарная, пераважная колькасць людзей думаюць: "Госпадзі, як добра, што ён застаўся".

"Убачылі, што магло б быць?" - яшчэ раз удакладніў журналіст.

"Вядома. Асабліва пасля Казахстана", - падкрэсліў Прэзідэнт.

версія для друку

зрабіць стартавай

дабавіць у выбранае