Афіцыйны сайт Рэспублікі Беларусь
Улада
Выдатныя мясціны Беларусі
Каляндар падзей у Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Улада | Падзеі

Падзеі

24 Nov 2016

Лукашэнка бачыць вялікія рэзервы для ўстойлівай работы прамысловай сферы ў Беларусі

Лукашэнка бачыць вялікія рэзервы для ўстойлівай работы прамысловай сферы ў Беларусі24 лістапада, Мінск /Кар. БЕЛТА/. Сітуацыю ў сферы машынабудавання неабходна кардынальна выпраўляць, і для гэтага ёсць неабходныя рэзервы. Аб гэтым Прэзідэнт Беларусі Аляксандр Лукашэнка заявіў 24 лістапада, заслухоўваючы даклад аб стратэгіі развіцця беларускага машынабудавання, паведамілі БЕЛТА ў прэс-службе беларускага лідара.

Прэзідэнт змяніў фармат правядзення мерапрыемства, праграма якога прадугледжвала пералік дакладаў на розныя тэмы. Замест гэтага ён адрасаваў канкрэтныя пытанні міністрам, губернатарам, дырэктарам, дэталёва цікавіўся станам спраў на буйнейшых прадпрыемствах. У цэнтры ўвагі былі вытворчыя планы, пытанні вяртання дэбіторскай запазычанасці, экспарту, складскіх запасаў.

Кіраўнік дзяржавы заявіў аб неабходнасці больш актыўнай работы па дыверсіфікацыі рынкаў збыту, у тым ліку па лініі знешнепалітычнага ведамства. Ён даручыў прааналізаваць работу прадстаўніцтваў беларускіх кампаній за мяжой і іх кадравы склад.

Прэзідэнт таксама ўказаў на важнасць узгодненай вытворчай палітыкі ўнутры краіны, каб не ствараць на розных прадпрыемствах дубліруючыя вытворчасці.

Асаблівы акцэнт зроблены на тэме якасці прадукцыі. Патрабаванне кіраўніка дзяржавы - яшчэ раз прааналізаваць і ўстанавіць строгі кантроль у гэтым пытанні на ўсіх этапах. "Гэта твар, брэнд нашай краіны", - падкрэсліў Аляксандр Лукашэнка.

Разам з прыняццем тых ці іншых рашэнняў у вытворчай сферы, рэфармаваннем або структурнай перабудовай на прадпрыемствах кіраўнік дзяржавы патрабуе ад кіраўнікоў не забываць аб сацыяльных абавязацельствах, неабходнасці павелічэння даходаў работнікаў. Зразумела, усё гэта павінна адбывацца ва ўвязцы з ростам прадукцыйнасці працы, павышэннем эфектыўнасці вытворчасцей.

Дзяржава, у сваю чаргу, гатова пры неабходнасці падставіць прадпрыемствам плячо. Напрыклад, у частцы папаўнення абаротных сродкаў. Галоўная ўмова - наяўнасць канкрэтных заказаў на прадукцыю і выгадныя праекты.

Аляксандр Лукашэнка адзначыў гатоўнасць на сваім узроўні вырашаць стратэгічныя пытанні развіцця галіны, прымаць неабходныя рашэнні. Адначасова ён падкрэсліў, што ў першую чаргу дырэктары і кіраўнікі ведамстваў павінны вырашаць праблемы, якія ляжаць у сферы іх кампетэнцыі.

"Разлічваць трэба толькі на сябе. Праблем у свеце столькі, што дай бог кожнаму разабрацца. І той, хто першы пачне вылазіць з гэтых праблем, той і застанецца жывы. Хто будзе плесціся ў хвасце, таму дапамогуць патануць, - сказаў Прэзідэнт. - Дзякуй богу, што мы не ваюем. Гэта наша шчасце. Але трэба з пункту гледжання эканомікі настроіцца на ваенны лад".

"Я не націскаў бы і не настойваў, калі б мы гэтага не маглі зрабіць. Але я бачу вялікія рэзервы", - адзначыў Аляксандр Лукашэнка.

"У краіне няма чырвоных дырэктараў і алігархаў. Усе павінны напружвацца і даваць вынік. Вы не мне гэтыя вынікі даяце. Гэта ваш гонар, вашы прадпрыемствы. І вы, калі ласка, варушыцеся. Упэўнены, што ў гэтай сітуацыі можна нармальна працаваць", - сказаў ён.

На заканчэнне Аляксандр Лукашэнка нагадаў, што вынікі работы службовых асоб у гэтым годзе будуць дасканала прааналізаваны. Гэта датычыцца не толькі прамысловасці, але і сельскай гаспадаркі, сферы ЖКГ і іншых.

Міністр прамысловасці Віталь Воўк далажыў на нарадзе аб рабоце прадпрыемстваў айчыннага машынабудавання, перспектывах і стратэгіі яго развіцця з улікам сусветных тэндэнцый. Абазначыў як аб'ектыўныя, так і суб'ектыўныя прычыны праблем у галіне.

У цэлым ёсць стратэгія развіцця машынабудавання Беларусі да 2020 года і бачанне перспектыў да 2030 года. Кіраўніку дзяржавы даложана аб фінансава-крэдытнай падтрымцы прадпрыемстваў, рабоце на рынках краін-партнёраў, дыверсіфікацыі экспартных паставак.

Лукашэнка патрабуе кардынальна выправіць сітуацыю ў сферы машынабудавання

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі