Падзеі
Лукашэнка і Маргвелашвілі пацвердзілі зацікаўленасць сваіх краін ва ўмацаванні супрацоўніцтва
1 сакавіка, Мінск /Кар. БЕЛТА/. Прэзідэнт Беларусі Аляксандр Лукашэнка і Прэзідэнт Грузіі Георгій Маргвелашвілі ў прынятай па выніках перагавораў сумеснай заяве пацвердзілі зацікаўленасць сваіх краін ва ўмацаванні двухбаковага супрацоўніцтва, перадае карэспандэнт БЕЛТА.
Бакі пацвердзілі ўзаемную зацікаўленасць сваіх краін ва ўмацаванні двухбаковага ўзаемадзеяння на ўсіх узроўнях і ва ўсіх сферах, якія ўяўляюць узаемны інтарэс.
У дакуменце гаворыцца, што Беларусь і Грузія маюць намер прадаўжаць інтэнсіўны міждзяржаўны дыялог, накіраваны на ўсебаковае ўмацаванне дружалюбных адносін.
Кіраўнікі дзяржаў з задавальненнем адзначылі станоўчую дынаміку развіцця адносін і падкрэслілі важнасць умацавання гуманітарнага супрацоўніцтва, узаемадзеяння ў сферы навукі і адукацыі.
Па выніках перагавораў лідараў дзвюх краін таксама былі падпісаны пагадненні паміж урадамі аб паветраных зносінах і аб садзейнічанні ажыццяўленню і ўзаемнай абароне інвестыцый.
версія для друку
зрабіць стартавай
дабавіць у выбранае