Падзеі

Качанава выказала ўпэўненасць, што парламенцкія адносіны Беларусі і Венесуэлы выйдуць на новы ўзровень

17 кастрычніка, Мінск /Кар. БЕЛТА/. Старшыня Савета Рэспублікі Наталля Качанава на сустрэчы з міністрам замежных спраў Венесуэлы Іванам Хілем Пінта выказала ўпэўненасць, што парламенцкія адносіны Беларусі і Венесуэлы выйдуць на абсалютна новы ўзровень, перадае карэспандэнт БЕЛТА.

"Для нас як палаты тэрытарыяльнага прадстаўніцтва вельмі важна супрацоўніцтва ў міжпарламенцкім вымярэнні. І, вядома, мы вельмі рады таму, што сёння нашы парламенцкія адносіны ў сувязі з вашым візітам выйдуць абсалютна на новы ўзровень узаемадзеяння, - сказала Наталля Качанава. - Маё глыбокае перакананне, што ў гэты час такой глыбокай турбулентнасці ў свеце, калі ўсё вельмі хістка і нестабільна, такія краіны, як Венесуэла і Беларусь, паказваюць прыклад таго, як сёння краіны могуць жыць па сваіх законах, сваіх традыцыях і развівацца на карысць свайго народа. І тым важней роля парламентарыяў у супрацоўніцтве на міжнародных пляцоўках, у міжнародных арганізацыях".

Спікер падзякавала Венесуэле за падтрымку нашай краіны на ўсіх міжнародных пляцоўках. "Таму што вы ведаеце, што для нас гэтыя гады няпростыя ў гісторыі. Няпростыя, зыходзячы з той знешняй сітуацыі, якая складваецца вакол Беларусі", - падкрэсліла старшыня Савета Рэспублікі.

"Што датычыцца ўнутрыпалітычнай сітуацыі ў нашай краіне, яна стабільная. Беларусь не проста жыве, а развіваецца, прымаючы асноўныя законы, якія патрэбны сёння для нашай краіны, для нашага народа. У 2022 годзе мы ўнеслі змяненні і дапаўненні ў Асноўны закон - Канстытуцыю. І сёння практычна прывялі ўжо ў адпаведнасць усе законы, якія дзейнічаюць у нашай краіне, - расказала Наталля Качанава. - У нас стабільная эканоміка, працуюць прадпрыемствы. Дзяржава выконвае ўсе ўзятыя на сябе сацыяльныя праграмы. Для нас гэта вельмі важна".

Санкцыйны націск, умяшанне ва ўнутраныя справы нашай краіны, спробы Захаду дэстабілізаваць абстаноўку не ўдаліся, канстатавала спікер. "Вы цудоўна разумееце, як не проста ў такіх сітуацыях складваецца развіццё краіны. Але вельмі важна, што ёсць добрыя адносіны паміж краінамі, якія сапраўды дружалюбныя адна адной, якія ў аснову ставяць жыццё свайго народа, - дапоўніла старшыня Савета Рэспублікі. - Мы ніколі нікому не пагражалі і ніколі ад нашай краіны не будзе зыходзіць агрэсія ў адносінах да іншай краіны, таму што мы цудоўна разумеем, што такое мір і спакой на сваёй зямлі".

"І, вядома, ад парламентарыяў многае залежыць у гэтым пытанні. Мы павінны даносіць праўду да нашых калег, хто хацеў бы гэта чуць або не хацеў. Але мы абавязаны гэта рабіць - даносіць праўду аб міралюбнай палітыцы нашай краіны. Вось чаму мы асаблівую ўвагу ўдзяляем супрацоўніцтву паміж парламентарыямі нашых краін", - адзначыла Наталля Качанава.

версія для друку

зрабіць стартавай

дабавіць у выбранае