Падзеі

Галоўчанка: ШАС на справе захоўвае прынцыпы роўнасці і неўмяшання ва ўнутраныя справы

26 кастрычніка, Бішкек /Кар. БЕЛТА/. Шанхайская арганізацыя супрацоўніцтва на справе захоўвае прынцыпы роўнасці і неўмяшання ва ўнутраныя справы. Аб гэтым заявіў прэм'ер-міністр Беларусі Раман Галоўчанка ў час пасяджэння Савета кіраўнікоў урадаў ШАС, перадае карэспандэнт БЕЛТА.

Раман Галоўчанка ад імя ўрада Беларусі павіншаваў Іран з афіцыйным уступленнем у Шанхайскую арганізацыю супрацоўніцтва ў якасці паўнапраўнага члена. Ён падкрэсліў, што Беларусь таксама вітае далучэнне да ШАС у якасці партнёраў па дыялогу ААЭ, Кувейта, М'янмы і Мальдываў.

"Цікавасць да арганізацыі з боку такой вялікай колькасці краін заканамерная і зразумелая. Ва ўмовах кардынальных геапалітычных змяненняў і нястрымнага жадання не дапусціць фарміравання шматпалярнага свету з боку заходніх краін, якія ў дасягненні сваіх мэт не цураюцца выкарыстоўваць увесь арсенал сродкаў - ад нелегітымных эканамічных санкцый да развязвання ўзброеных канфліктаў - ШАС з'яўляецца адной з нямногіх міжнародных структур, якая на справе захоўвае прынцыпы роўнасці і суверэнітэту дзяржаў, неўмяшання ва ўнутраныя справы, выступае за ўстойлівае эканамічнае развіццё рэгіёна. У самым хуткім часе Беларусь разлічвае ўступіць у рады паўнапраўных членаў арганізацыі", - сказаў прэм'ер-міністр.

Ён выказаў удзячнасць усім краінам - удзельніцам ШАС за праведзеную работу па далучэнні Беларусі да арганізацыі. "Не сумняваемся, што зможам унесці свой уклад ва ўмацаванне шанхайскай сям'і. Разлічваем на падтрымку ў выкананні ўсіх неабходных унутрыдзяржаўных працэдур у вашых краінах для больш хуткага ўступлення Беларусі ў ШАС", - дадаў кіраўнік беларускага ўрада.

версія для друку

зрабіць стартавай

дабавіць у выбранае