Падзеі

Беларусь і Куба ўзаемна зацікаўлены ў развіцці кантактаў па лініі ВПС і ППА

Фота з архiва

8 красавіка, Мінск /Кар. БЕЛТА/. У Беларусі з рабочым візітам знаходзіцца кубінская ваенная дэлегацыя на чале з камандуючым ППА і Рэвалюцыйнымі ВПС Кубы. У час абмену думкамі Беларусь і Куба выказалі ўзаемную зацікаўленасць у развіцці кантактаў па лініі ВПС і ППА. Аб гэтым БЕЛТА паведамілі ў Міністэрстве абароны.

У Цэнтральным доме афіцэраў Узброеных Сіл Беларусі прайшлі перагаворы камандуючага ваенна-паветранымі сіламі і войскамі проціпаветранай абароны Узброеных Сіл Беларусі генерал-маёра Андрэя Лук'яновіча з камандуючым ППА і Рэвалюцыйнымі ВПС Кубы генералам брыгады Марыа Эрнеста Радрыгесам Пеньяранда. Адбыўся грунтоўны абмен думкамі па пытаннях далейшага ўзаемадзеяння. У прыватнасці, бакі пацвердзілі ўзаемную зацікаўленасць у развіцці кантактаў па лініі ВПС і ППА.

З Марыа Эрнеста Радрыгесам Пеньяранда таксама сустрэўся начальнік Генеральнага штаба Узброеных Сіл - першы намеснік міністра абароны Беларусі генерал-маёр Віктар Гулевіч. Быў адзначаны канструктыўны характар беларуска-кубінскага ўзаемадзеяння, падведзены прамежкавыя вынікі раней праведзеных сумесных мерапрыемстваў па лініі двухбаковага ваеннага супрацоўніцтва. Бакі выказалі нацэленасць падтрымліваць актыўны дыялог па пытаннях, маючых узаемны інтарэс.

версія для друку

зрабіць стартавай

дабавіць у выбранае