Падзеі

Амаль 378 тыс. турыстаў з Літвы, Латвіі і Польшчы ўехалі ў Беларусь з пачатку 2023 года

Фота з архiва

13 лістапада, Мінск /Кар. БЕЛТА/. З пачатку бягучага года 377 935 турыстаў з суседніх з Беларуссю краін ЕС уехалі на нашу тэрыторыю па бязвізе. Аб гэтым БЕЛТА паведамілі ў Дзяржпагранкамітэце.

Пасля працяглых выхадных і да гэтага часу амаль 4 тыс. жыхароў Літвы, Латвіі і Польшчы наведалі Беларусь у бязвізавым парадку. Больш за ўсё іншаземцаў прыехала з Літвы - 2096 грамадзян.

З пачатку 2023 года 377 935 турыстаў з суседніх з Беларуссю краін Еўрасаюза ўехалі на беларускую тэрыторыю па бязвізе: 228 688 грамадзян Літвы, 86 493 грамадзяніны і 26 404 неграмадзяніны Латвіі, 36 350 грамадзян Польшчы.

Усяго ж з пачатку дзеяння бязвізавага рэжыму 762 921 іншаземец наведаў Беларусь: 476 951 грамадзянін Літвы, 174 627 грамадзян і 53 283 неграмадзяніны Латвіі, а таксама 58 060 грамадзян Польшчы.

версія для друку

зрабіць стартавай

дабавіць у выбранае