Падзеі, факты, анонсы

Больш за 6 млн уязных паездак за год. Адкуль у Беларусь прыязджаюць замежныя турысты?

11 чэрвеня, Мінск /Кар. БЕЛТА/. Намеснік дырэктара дэпартамента турызму Міністэрства спорту і турызму Кацярына Ганчаронак у праекце БЕЛТА "Краіна гаворыць" расказала, адкуль у Беларусь прыязджаюць замежныя турысты і што мы ім паказваем.

Асноўны паток турыстаў у Беларусь - расіяне. Яны складаюць каля 80 працэнтаў усіх грамадзян, якія прыязджаюць да нас. "За мінулы год у нас было 6,6 млн уязных паездак. Сярод геаграфіі турыстаў, акрамя Расійскай Федэрацыі, госці з іншых краін СНД. Таксама вельмі актыўна расце колькасць турыстаў з Кітайскай Народнай Рэспублікі, чаму садзейнічае павелічэнне авіярэйсаў з Кітая, - адзначыла Кацярына Ганчаронак. - Адкрыты рэйсы не толькі ў кітайскі Урумчы, але і ў Сіянь, які лятае па маршруце Пекін - Сіань - Мінск".

Начальнік аддзела інфармацыйнага забеспячэння ДУ "Нацыянальнае агенцтва па турызме" Кацярына Аляксеева дадала, што агенцтвам сумесна з абласцямі арганізуюцца азнаямляльныя туры для іншаземцаў, у тым ліку для грамадзян Кітая, ААЭ. "Нядаўна прыязджала дэлегацыя з Паўночнага Каўказа. Мы паказваем найбольш папулярныя турыстычныя аб'екты, у першую чаргу, матэрыяльнай спадчыны ЮНЕСКА - Мірскі і Нясвіжскі замкі, часцей за ўсё заязджаем у Белавежскую пушчу, але залежыць і ад напрамкаў, якія цікавяць турыстаў", - расказала яна.

У сферы санаторна-курортнага лячэння замежных турыстаў знаёмяць з санаторнай базай. Акрамя таго, актыўна ў краіне развіваецца прамысловы турызм. Калі турысты зацікаўлены ў такім відзе адпачынку, то іх абавязкова возяць на МТЗ, БЕЛАЗ, "Камунарку".

*Праект створаны за кошт сродкаў мэтавага збору на вытворчасць нацыянальнага кантэнту.

версія для друку

зрабіць стартавай

дабавіць у выбранае