У Беларусь без візы на 30 дзён
Афіцыйны сайт Рэспублікі Беларусь
ВЫБАРЫ ў Палату прадстаўнікоў Нацыянальнага сходу Рэспублікі Беларусь
Прэс-цэнтр
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Прэс-цэнтр | Фота | Падрыхтоўка да Еўрапейскіх гульняў-2019: веладром "Мінск-Арэны" напярэдадні галоўных стартаў года

Падрыхтоўка да Еўрапейскіх гульняў-2019: веладром "Мінск-Арэны" напярэдадні галоўных стартаў года

Падрыхтоўка да Еўрапейскіх гульняў-2019: веладром
15 Стд 2019

На фінішную прамую выходзіць падрыхтоўка да Еўрапейскіх гульняў-2019: 21–30 чэрвеня маштабны форум збярэ ў Мінску больш за 4 тысячы спартсменаў з 50 краін. У беларускую сталіцу прыедуць лепшыя атлеты кантынента, каб разыграць 199 камплектаў узнагарод у 15 відах спорту, а таксама алімпійскія ліцэнзіі Токіа-2022. Дэбютам у праграме гульняў стане выступленне мацнейшых велагоншчыкаў на трэку: спаборніцтвы ўжо рыхтуецца прыняць веладром вядучага спарткомплексу краіны – "Мінск-Арэны".

Адна з галоўных пляцовак Еўрапейскіх гульняў-2019 – "Мінск-Арэна" – з моманту адкрыцця ў 2009-м прыняла ўжо дзясяткі знакавых турніраў і спаборніцтваў. Сярод іх і чэмпіянат свету па веласпорце на трэку, які аб’яднаў 260 гоншчыкаў з 35 краін. Сёння ў спісе топавых атлетаў планеты ёсць і беларусы – прызёры чэмпіянатаў Еўропы і свету Яўген Каралёк, Іна Савенка, Таццяна Шаракова…

У мінулым годзе на мінскім веладроме, які можа прыняць каля 2 тысяч балельшчыкаў, было абноўлена драўлянае пакрыццё трэка. Ужо ў чэрвені тут паспаборнічаюць 316 лепшых велагоншчыкаў і разыграюць 20 камплектаў узнагарод. А пакуль спартыўную праграму-2019 адкрыў зімовы чэмпіянат і першынство Беларусі па веласпорце на трэку, у якім вызначыліся 12 мацнейшых атлетаў сярод эліты і юніёраў.

Перад Еўрапейскімі гульнямі ў беларускай зборнай – выступленне на двух этапах Кубка свету ў Новай Зеландыі і Ганконгу, а таксама чэмпіянаце свету ў польскім Прушкаве. Затым пасля кароткага адпачынку і вясенніх трэніровак на шашы нашы спартсмены зноў сустрэнуцца на мінскім веладроме. Тут адбудуцца тэставыя спаборніцтвы, у ходзе якіх вызначацца гатоўнасць і магчымыя недахопы. Гэта дапаможа арганізатарам галоўнага спартыўнага форуму Еўропы ўлічыць усе нюансы і падрыхтавацца на вышэйшым узроўні.   

Беларускія зоркі велатрэка, першыя спаборніцтвы-2019 і падрыхтоўка да стартаў Еўрапейскіх гульняў – у рэпартажы з "Мінск-Арэны".

Падрыхтоўка да Еўрапейскіх гульняў-2019: веладром "Мінск-Арэны" напярэдадні галоўных стартаў года
Падрыхтоўка да Еўрапейскіх гульняў-2019: веладром "Мінск-Арэны" напярэдадні галоўных стартаў года
Мінск-Арэна
Мінск-Арэна
Падрыхтоўка да Еўрапейскіх гульняў-2019: веладром "Мінск-Арэны" напярэдадні галоўных стартаў года
1 2 3 4 5      Наступная