ГОМЕЛЬ

ГОМЕЛЬ: паслухаць джаз у раскошнай княжацкай гасцінай, зверыць гадзіннікі з самай вялікай калекцыяй Беларусі і ацаніць работу адзінага палацавага майстра гадзіннікаў, пракаціцца па горадзе ў "паэтычным" аўтобусе

Цудоўны палац, якім валодалі радавітыя дынастыі Румянцавы і Паскевічы, велічны храм, капліца-пахавальня, зімовы сад і вежа агляду, сажалка, старадаўні парк на беразе ракі Сож, незвычайнага сілуэта футурыстычны цырк – усё гэта другі па велічыні горад Беларусі Гомель. У навагоднія святы яго галоўная адметнасць – палацава-паркавы ансамбль – рыхтуе сюрпрызы. Для юных гасцей – "Сон у навагоднюю ноч" ад маленькай прынцэсы Ірыны, для дарослых меламанаў у Белай гасцінай 24 снежня будуць гучаць "Калядныя імправізацыі": джаз, блюз, рок-н-рол... А прайшоўшыся па залах, можна ўбачыць самую вялікую ў Беларусі калекцыю старадаўніх падлогавых, насценных і наручных гадзіннікаў, за дакладнасцю якіх ужо 25 гадоў сочыць адзіны ў краіне палацавы майстар гадзіннікаў – рэстаўратар Мікалай Лабанаў.