Галоўныя навіны

Асноўнай фестывальнай падзеяй, вакол якой сфарміравана праграма, стане конкурс выканаўцаў эстраднай песні "Віцебск-2015", адбудзецца таксама дзіцячы музычны конкурс. Сёлета ў ім прымуць удзел па адным прадстаўніку ад Беларусі, Украіны і Расіі (раней гэтыя краіны прадстаўлялі па два ўдзельнікі). Старшынёй журы конкурсу юных вакалістаў будзе спявак, кампазітар народны артыст Расіі Дзмітрый Малікаў.

Асноўныя тэмы фестывалю будуць звязаны з ключавымі для Беларусі падзеямі 2015 года - 70-годдзем Вялікай Перамогі і Годам моладзі. Дзень адкрыцця фестывалю плануецца сумясціць з Днём моладзі і масавымі вулічнымі тэатралізаванымі акцыямі.

У праграме фестывалю - канцэрты зорак эстрады і гумару, праект "Зоркі "Шансон-ТБ", праграма "Песня застаецца з чалавекам" з удзелам Нацыянальнага акадэмічнага аркестра Беларусі пад кіраўніцтвам Міхаіла Фінберга, канцэртныя і забаўляльныя праграмы для моладзі ("Залаты хіт: учора, сёння, заўтра", "Рок-панарама", праекты БРСМ у рамках Дня моладзі і інш.), праекты "Тэатральныя сустрэчы" (Беларусь, Латвія, Расія) і "Фестываль без межаў".

Выставачная праграма форуму мастацтваў аб'яднае розныя праекты, у тым ліку будзе прадстаўлена дэкаратыўна-прыкладное мастацтва Індыі.

Працягваючы традыцыю супрацоўніцтва з фестывалямі розных краін, у 2015 годзе ў Віцебску плануецца правесці міжнародную канферэнцыю "Фестывальны рух. Традыцыі і інавацыі" з удзелам арганізатараў фестываляў з розных краін і пасяджэнне савета Сусветнай асацыяцыі фестываляў (САФ). На пасяджэнні плануецца заснаваць спецыяльны прыз САФ для штогадовага заахвочвання аднаго з удзельнікаў Міжнароднага конкурсу выканаўцаў эстраднай песні "Віцебск".