Падзеі

Зборка тэхнікі, БПЛА, электратранспарт. Беларусь і Егіпет абмяркоўваюць сумесныя праекты

Фота з архiва

21 студзеня, Мінск /Кар. БЕЛТА/. Надзвычайны і Паўнамоцны Пасол Рэспублікі Беларусь у Егіпце Яўген Сабалеўскі сустрэўся са старшынёй Арабскай арганізацыі па індустрыялізацыі Мухтарам Абдэль Лаціфам. Аб гэтым паведамілі БЕЛТА ў беларускай загранустанове ў Егіпце.

Бакі пацвердзілі намер развіваць сумесныя праекты ў галіне прамысловай кааперацыі. У тым ліку размова ішла аб іх папярэдняй прапрацоўцы ў рамках чацвёртага пасяджэння беларуска-егіпецкай рабочай групы па супрацоўніцтве ў галіне прамысловасці і восьмага пасяджэння беларуска-егіпецкай сумеснай гандлёвай камісіі.

На сустрэчы былі абмеркаваны пытанні стварэння ў Егіпце зборачных вытворчасцей беларускай аўтамабільнай і трактарнай тэхнікі на базе прадпрыемстваў Арабскай арганізацыі па індустрыялізацыі. Акрамя таго, разгледжаны тэмы пашырэння супрацоўніцтва ў галіне водаачысткі, беспілотных лятальных сістэм і электратранспарту.

версія для друку

зрабіць стартавай

дабавіць у выбранае