Падзеі

9 снежня, Ханой /Таццяна Паляжай - БЕЛТА/. Завяршыўся дзяржаўны візіт Прэзідэнта Беларусі Аляксандра Лукашэнкі ў Сацыялістычную Рэспубліку В'етнам, перадае карэспандэнт БЕЛТА.

Кіраўнік беларускай дзяржавы накіраваўся ў Ашхабад, дзе будзе знаходзіцца з афіцыйным візітам да 12 снежня. Кіраўнік беларускай дзяржавы правядзе перагаворы з Прэзідэнтам Туркменістана Гурбангулы Бердымухамедавым, па выніках якіх будзе падпісаны шэраг міжнародных дакументаў.

Чакаецца, што Прэзідэнт Беларусі наведае сумесную беларуска-туркменскую выстаўку-кірмаш, Алімпійскі гарадок. Аляксандр Лукашэнка таксама прыме ўдзел у міжнароднай канферэнцыі "Палітыка нейтралітэту: міжнароднае супрацоўніцтва ў імя міру, бяспекі і развіцця".