Падзеі

З удзелам Беларусі ў кітайскім Нінбо абмеркавана энергетычнае супрацоўніцтва краін ШАС

Фота з архiва

1 ліпеня, Мінск /Кар. БЕЛТА/. Генеральны консул Рэспублікі Беларусь у Гуанчжоу Канстанцін Галаўко прыняў удзел у пятай Нарадзе міністраў энергетыкі дзяржаў - членаў ШАС у г. Нінбо. Аб гэтым карэспандэнту БЕЛТА расказалі ў Генконсульстве.

Пасяджэнне адбылося пад старшынствам кіраўніка Дзяржаўнага энергетычнага ўпраўлення Кітайскай Народнай Рэспублікі Ван Хунчжы. З уступным словам у анлайн-фармаце выступіў намеснік міністра энергетыкі Рэспублікі Беларусь Канстанцін Аношанка.

Па выніках нарады быў адобраны праект сумеснай заявы Савета кіраўнікоў дзяржаў - членаў ШАС па ўстойлівым развіцці энергетыкі, які будзе прыняты на маючым адбыцца Цяньцзіньскім саміце.

Дасягнута дамоўленасць аб актывізацыі работы над дарожнай картай па рэалізацыі Стратэгіі энергетычнага развіцця краін ШАС на перыяд да 2030 года. У ходзе мерапрыемства адбыўся абмен меркаваннямі пра бягучую сітуацыю і перспектывы развіцця энергетычнага супрацоўніцтва ў рамках ШАС, абмеркаваны актуальныя пытанні забеспячэння энергапераходу краін і энергабяспекі ва ўмовах нестабільнасці на міжнародных энергетычных рынках.

версія для друку

зрабіць стартавай

дабавіць у выбранае