Падзеі

З 1 лютага ў Беларусі павялічыліся памеры дапамогі па доглядзе дзіцяці ва ўзросце да 3 гадоў

Фота з архiва

1 лютага, Мінск /Кар. БЕЛТА/. З 1 лютага ў Беларусі павялічыліся памеры дапамогі па доглядзе дзіцяці ва ўзросце да 3 гадоў. Аб гэтым карэспандэнту БЕЛТА паведамілі ў прэс-службе Міністэрства працы і сацыяльнай абароны.

Так, з 1 лютага па 31 ліпеня 2026 года памеры дапамогі па доглядзе дзіцяці ва ўзросце да 3 гадоў складаюць: на першае дзіця - Br1000,86 (больш на Br68,95), на другое і наступных дзяцей - Br1143,84 (больш на Br78,80), на дзіця-інваліда -Br1286,82 (прыбаўка Br88,65).

У Мінпрацы адзначылі, што памеры дапамогі выраслі на 7,4 працэнта, а таксама дадалі, што дапамога па догляду дзіцяці ва ўзросце да 3 гадоў пералічваецца два разы на год: з 1 лютага і з 1 жніўня.

версія для друку

зрабіць стартавай

дабавіць у выбранае