Афіцыйны сайт Рэспублікі Беларусь
Улада
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Улада | Падзеі

Падзеі

18 Apr 2017

Візіт Лукашэнкі ў Кітай плануецца ў маі

18 красавіка, Мінск /Кар. БЕЛТА/. Візіт Прэзідэнта Беларусі Аляксандра Лукашэнкі ў Кітай плануецца ў маі. Аб гэтым ішла размова сёння на сустрэчы прэм'ер-міністра Беларусі Андрэя Кабякова са старшынёй Пастаяннага камітэта Усекітайскага сходу народных прадстаўнікоў Чжан Дэцзянам, перадае карэспандэнт БЕЛТА.

У час візіту Прэзідэнта Беларусі ў Кітай у 2016 годзе падпісана сумесная дэкларацыя аб устанаўленні адносін давернага ўсебаковага стратэгічнага партнёрства і ўзаемавыгаднага супрацоўніцтва. "Цяпер важна падцягнуць і эканамічныя адносіны да такога высокага ўзроўню супрацоўніцтва, таму прапануем абмеркаваць пытанні эканамічнай накіраванасці, - адзначыў Андрэй Кабякоў. - Для нас гэта асабліва важна напярэдадні візіту ў Кітай Прэзідэнта Беларусі ў маі 2017 года".

Акрамя ўдзелу кіраўніка дзяржавы ў міжнародным форуме "Адзін пояс - адзін шлях" запланавана двухбаковая сустрэча са старшынёй КНР Сі Цзіньпінам. "Мы разлічваем, што ў ходзе маючага адбыцца візіту рушыцца наперад шэраг практычных напрамкаў нашага супрацоўніцтва з Кітаем. Таму разлічваем у час вашага знаходжання ў Беларусі ў максімальнай ступені падрыхтавацца да гэтага візіту", - дадаў Андрэй Кабякоў.

Кіраўнік урада адзначыў, што наведваў з візітам Кітай і быў уражаны эканамічнымі поспехамі краіны.

Чжан Дэцзян падзякаваў Андрэю Кабякову за яго ўклад у развіццё адносін паміж краінамі, які высока ацэньваецца кітайскім бокам.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі