Падзеі

Вярхоўныя суды Беларусі і Расіі падпісалі мемарандум аб узаемаразуменні і супрацоўніцтве

10 чэрвеня, Мінск /Кар. БЕЛТА/. Вярхоўныя суды Беларусі і Расіі дамовіліся забяспечваць адзінства падыходаў да ажыццяўлення правасуддзя ў Саюзнай дзяржаве. Гэта прадугледжана падпісаным сёння кіраўнікамі вышэйшых судовых інстанцый дзвюх краін Андрэем Шведам і Ігарам Красновым мемарандумам аб узаемаразуменні і супрацоўніцтве, перадае карэспандэнт БЕЛТА.

Пасля падпісання мемарандума Андрэй Швед падкрэсліў, што вышэйшыя судовыя інстанцыі даўно працуюць у рэчышчы саюзных дамоўленасцей, аднак сёння гэта ўзаемадзеянне пераходзіць на якасна новы ўзровень - узровень пастаяннага жывога дыялогу.

"Мемарандум вызначае правілы і фарматы далейшага супрацоўніцтва з мэтай забеспячэння адзінства падыходаў да ажыццяўлення правасуддзя ў рамках Саюзнай дзяржавы. Гэта і ўзаемныя візіты дэлегацый, і абмен інфармацыяй аб дзеючым заканадаўстве дзвюх краін, практыцы яго прымянення, правядзенне сумесных семінараў, кансультацый, стварэнне сумесных рабочых груп", - сказаў старшыня Вярхоўнага Суда.

Дырэктыва Вышэйшага дзяржаўнага савета Саюзнай дзяржавы нумар 1 "Аб узаемнай падтрымцы і супрацоўніцтве ў галіне міжнароднага правасуддзя", прынятая 26 лютага 2026 года, задае стратэгічную лінію: узгоднена адстойваць сумесныя інтарэсы на міжнароднай арэне, адзначыў Андрэй Швед.

Ён растлумачыў, што мемарандум пераводзіць гэту лінію ў практычную плоскасць, прадугледжваючы ажыццяўленне скаардынаваных дзеянняў Вярхоўнага Суда Рэспублікі Беларусь і Вярхоўнага Суда Расійскай Федэрацыі на ключавых міжнародных пляцоўках (ААН, СНД, ШАС, БРІКС і інш).

"Такім чынам, мемарандум ахапіў поўны цыкл узаемадзеяння ад абмену інфармацыяй і сумеснага навучання да выпрацоўкі адзіных пазіцый і знешняй каардынацыі. Упэўнены, што гэты дакумент будзе з'яўляцца нашым агульным арыенцірам на бліжэйшыя гады", - адзначыў старшыня Вярхоўнага Суда.

версія для друку

зрабіць стартавай

дабавіць у выбранае