Афіцыйны сайт Рэспублікі Беларусь
Улада
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Улада | Падзеі

Падзеі

9 Aug 2020

"Вам па сілах дзёрзкія і маштабныя праекты" - Лукашэнка павіншаваў будаўнікоў з прафесійным святам


Фота з архiва

9 жніўня, Мінск /Кар. БЕЛТА/. Прэзідэнт Беларусі Аляксандр Лукашэнка павіншаваў работнікаў і ветэранаў будаўнічага комплексу з прафесійным святам і 100-годдзем айчыннай будаўнічай галіны. Аб гэтым БЕЛТА паведамілі ў прэс-службе беларускага лідара.

Кіраўнік дзяржавы назваў гэту галіну адной з важнейшых для нацыянальнай эканомікі, адзначыўшы, што за векавую гісторыю яна прайшла нялёгкі шлях станаўлення і развіцця. "Дзякуючы самаадданай працы некалькіх пакаленняў будаўнікоў у пасляваенныя гады наша рэспубліка аднавілася з руін і попелу", - гаворыцца ў віншаванні.

Беларускія горадабудаўнікі, захоўваючы лепшыя традыцыі і разам з тым крочачы ў нагу з часам, ствараюць сёння мадэль індустрыі заўтрашняга дня, лічыць Аляксандр Лукашэнка.

"Асвойваючы сучасныя матэрыялы і тэхналогіі, вы літаральна за два дзесяцігоддзі змянілі Беларусь. На новы ўзровень вывелі функцыянальнасць і камфортнасць узводзімага жылля, сацыяльных і вытворчых аб'ектаў, многія з якіх сталі візітнымі карткамі асобных гарадоў і цэлых рэгіёнаў. Зрабілі нашу краіну пазнаваемай у свеце, - падкрэсліў беларускі лідар. - Упэўнены, што вам па сілах вырашэнне любых задач, самых дзёрзкіх і маштабных праектаў, якія яшчэ больш умацуюць статус сучаснай Беларусі - тэхналагічнай, зручнай для жыцця, накіраванай у будучыню".

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі