Падзеі

Вальфовіч пра асаблівасці цяперашняй праверкі УС: Прэзідэнт асабіста прыводзіць у боегатоўнасць воінскія часці

23 студзеня, Віцебскі раён /Кар. БЕЛТА/. Асаблівасць цяперашняй праверкі Узброеных Сіл у тым, што Прэзідэнт Беларусі асабіста прыводзіць у баявую гатоўнасць воінскія часці. Аб гэтым журналістам заявіў дзяржаўны сакратар Савета бяспекі Аляксандр Вальфовіч, перадае карэспандэнт БЕЛТА.

"Асаблівасць (цяперашняй праверкі Узброеных Сіл. - Заўвага БЕЛТА) у тым, што Прэзідэнт прыводзіць воінскія часці ў баявую гатоўнасць асабіста, абмінаючы Міністэрства абароны, Генеральны штаб", - сказаў Аляксандр Вальфовіч.

Як адзначыў дзяржсакратар Савета бяспекі, пры правядзенні праверкі неабходна ацаніць тое, як ваеннаслужачыя справяцца з раптоўным пад'ёмам воінскіх часцей. "У прынцыпе кожны чалавек у пагонах павінен быць гатовы да дзеянняў у любы час дня і ночы - гэта тое, чаго ад нас дабіваецца Прэзідэнт", - звярнуў увагу ён.

Аляксандр Вальфовіч падкрэсліў, што кіраўнік дзяржавы трымае ход праверкі на асабістым кантролі: "Толькі што мною было даложана аб прыбыцці кантрольнай групы з супрацоўнікаў Дзяржсакратарыята ў брыгаду, аб тым, як была гатова брыгада да атрымання задачы, чым яна цяпер займаецца. Прэзідэнт пастаянна трымае на кантролі (ход праверкі. - Заўвага БЕЛТА)".

"Задума праверкі зацверджана. Прэзідэнт поўнасцю валодае ўсёй абстаноўкай па ходу праверкі. Прыбыццё Прэзідэнта можа быць нечаканым для ўсіх - як для тых, хто правярае, так і для тых, хто трымае экзамен", - дадаў Аляксандр Вальфовіч.

версія для друку

зрабіць стартавай

дабавіць у выбранае