Падзеі

Ваенныя Беларусі і Вялікабрытаніі будуць развіваць узаемадзеянне ў міратворчай дзейнасці

Фота з архiва

29 чэрвеня, Мінск /Кар. БЕЛТА/. Начальнік Генеральнага штаба Узброеных Сіл Беларусі генерал-маёр Аляксандр Вальфовіч і начальнік Штаба абароны Узброеных Сіл Злучанага Каралеўства Вялікабрытаніі і Паўночнай Ірландыі генерал Нік Картэр абмеркавалі бягучы стан і перспектывы развіцця двухбаковага ваеннага супрацоўніцтва, паведамілі БЕЛТА ў Мінабароны.

"Тэлефонная размова адбылася па ініцыятыве брытанскага боку. Акцэнт быў зроблены на далейшым развіцці ўзаемадзеяння ў сферы міратворчай дзейнасці", - праінфармавалі ў Мінабароны. Аб канкрэтных рашэннях і мерапрыемствах ведамства паведаміць, як толькі яны будуць спланаваны і зацверджаны.

Таксама ў час гутаркі Аляксандр Вальфовіч падзякаваў брытанскаму боку за дапамогу, аказаную 432-му галоўнаму ваеннаму клінічнаму медыцынскаму цэнтру Узброеных Сіл Беларусі. Кіраўнік Генштаба выказаў падтрымку і салідарнасць у барацьбе з COVID-19.

версія для друку

зрабіць стартавай

дабавіць у выбранае