Падзеі
Урад зацвердзіў фінансавую праграму рэспубліканскага бюджэту на 2019-2021 гады
7 сакавіка, Мінск /Кар. БЕЛТА/. Сярэднетэрміновая фінансавая праграма рэспубліканскага бюджэту на 2019-2021 гады зацверджана пастановай Савета Міністраў ад 6 сакавіка 2019 года нумар 149, паведамляе БЕЛТА са спасылкай на ўрад.
Праграма вызначае асноўныя параметры эканамічнага развіцця і важнейшыя грашова-крэдытныя паказчыкі Беларусі, ліміт дзяржаўнага доўгу, асноўныя параметры рэспубліканскага бюджэту і гранічныя аб'ёмы расходаў рэспубліканскага бюджэту па дзяржпраграмах на 2019-2020 гады (без уліку сродкаў рэспубліканскага цэнтралізаванага інавацыйнага фонду на 2019 год).
Праграмай закладзены аб'ёмы валавога ўнутранага прадукту на 2019 год - Br129 млрд 386,4 млн, на 2020 год - Br146 млрд 3,9 млн, на 2021 год - Br159 млрд 97,5 млн. Тэмпы росту ВУП запланаваны на ўзроўні 102,1 працэнта ў 2019-м, 102,5 працэнта - у 2020-м і 102,8 працэнта - у 2021-м. Стаўка рэфінансавання прагназуецца на ўзроўні 10 працэнтаў на канец 2019 года, 9,5 працэнта - на канец 2020 года і 9 працэнтаў - на канец 2021 года.
Індэкс росту спажывецкіх цэн у сярэднім за 2019 год вызначаны ў сярэднетэрміновай праграме на ўзроўні 105,3 працэнта, за 2020 год - 105 працэнтаў, 2021-ы - 104,5 працэнта. Курс долара да канца 2019 года - Br2,2681 за $1, да канца 2020-га - Br2,3262, да канца 2021-га - Br2,3861. Для планавання бюджэту цана на нафту вызначана $60 за бараль у 2019 годзе, $55 - у 2020-м, $50 - у 2021 годзе.
Суадносіны дзярждоўгу і ВУП на працягу трох гадоў запланаваны на ўзроўні 45 працэнтаў.
Прафіцыт бюджэту ў 2019 годзе чакаецца на ўзроўні Br1,7 млрд, у 2020-м - амаль Br1,4 млрд, у 2021-м - Br1,15 млрд.
Фінансавая праграма павінна рэалізоўвацца з улікам наступных мер бюджэтна-падатковай палітыкі: падатковая нагрузка на эканоміку павінна быць на ўзроўні, які не перавышае 26 працэнтаў ад ВУП, захаванне нарматываў адлічэнняў ад рэспубліканскіх падаткаў у бюджэты ўсіх узроўняў, абмежаванне расходаў рэспубліканскага бюджэту для фарміравання прафіцыту для пагашэння часткі дзярждоўгу, выкананне не менш як 25 працэнтаў абавязацельстваў па пагашэнні дзярждоўгу ў адпаведным фiнансавым годзе за кошт недаўгавых крыніц.
Прадугледжана таксама штогадовае зніжэнне ў 2019-2020 гадах аб'ёмаў бюджэтнага ўдзелу ва ўсіх відах дзяржаўнай падтрымкі рэальнага сектара эканомікі не менш як на 10 працэнтаў.
версія для друку
зрабіць стартавай
дабавіць у выбранае