Падзеі

8 кастрычніка, Мінск /Кар. БЕЛТА/. Урад Беларусі падпіша пагадненні аб супрацоўніцтве з шасцю рэгіёнамі Расіі. Гэта прадугледжана пастановамі Савета Міністраў ад 5 кастрычніка 2018 года нумар 715, 716, 717, 718, 719 і нумар 720, паведамляе БЕЛТА са спасылкай на сайт урада.

Савет Міністраў прыняў прапанову Міністэрства замежных спраў аб заключэнні пагаднення паміж урадам Беларусі і ўрадам Рэспублікі Калмыкія аб гандлёва-эканамічным, навукова-тэхнічным, культурным і гуманітарным супрацоўніцтве.

З урадам Кабардзіна-Балкарскай Рэспублікі будзе падпісана пагадненне аб супрацоўніцтве ў гандлёва-эканамічнай, навукова-тэхнічнай і сацыяльна-культурнай сферах.

З Кабінетам Міністраў Рэспублікі Адыгея, урадамі Рэспублікі Комі, Рэспублікі Інгушэція, Яўрэйскай аўтаномнай вобласці будуць падпісаны пагадненні аб гандлёва-эканамічным, навукова-тэхнічным і сацыяльна-культурным супрацоўніцтве.